Young Jeezy lúbarði son sinn

Rapparinn Young Jeezy var handtekinn á föstudag fyrir að ganga í skrokk á syni sínum í september árið 2012, þegar sonur hans var 16 ára gamall. Skýrsla úr handtökunni var birt á vefsíðunni TMZ. Í henni er atvikinu lýst nákvæmlega.

Rapparinn réðst á son sinn inni á baðhverbergi á heimili þeirra. Hann henti syninum í gegnum glerhurð. Sonurinn vankaðist við það. Young Jeezy dró son sinn svo um heimili þeirra, lamdi hann í andlitið og hótaði honum.

Sonurinn reyndi að flýja en lífvörður Young Jeezy stöðvaði flóttatilraunir drengsins. Young Jeezy dró strákinn aftur til sín og hótaði honum lífláti á meðan hann reyndi að kyrkja hann.

Rapparinn gaf sig fram á föstudaginn eftir að handtökuskipun var gefin út. Hann var látinn laus gegn tryggingu.

Hér að neðan má sjá tvö vinsæl lög með rapparanum.