Hálendið selt á bókamessu

Mikill áhugi var á skáldsögunni Hálendinu eftir Steinar Braga á bókamessu í Frankfurt sem lauk nú um helgina.

Bókin, sem kom út fyrir tveimur árum, var seld til alls níu landa. Aðrir höfundar sem vöktu áhuga erlendra útgefanda voru meðal annars Eiríkur Örn Norðdal, en bók hans Illska mun koma út í Danmörku síðar í þessum mánuði, og Andri Snær Magnason fékk tilboð í Tímakistuna frá Bandaríkjunum.

Áhugi á Arnaldi Indriðasyni var mikill eins og vanalega og hefur hann nú selt óútkomna bók sína til nokkurra landa, þar á meðal til Bandaríkjanna og Bretlands.