Vigdís hvetur EGF snyrtivörur til að sniðganga Kvennablaðið

Vigdís Hauksdóttir þingkona Framsóknarflokksins hvetur húðvöruframleiðandann EGF til þess að hætta að auglýsa í Kvennablaðinu. Þetta kemur fram á Facebook-síðu þingkonunnar þar sem hún bendir á að ritstjóri Kvennablaðsins, Steinunn Ólína Þorsteinsdóttir, sé gift Stefáni Karli Stefánssyni leikara.

Hún minnir á að Stefáni Karli og Elínu hafi „lent saman“ á dögunum þegar Stefán gagnrýndi Elínu fyrir að segja að Vigdís væri lögð í einelti á Alþingi. Stefán Karl hefur lengi barist gegn einelti og fannst honum Elín gera lítið úr hugtakinu með því að fullyrða að Vigdís væri fórnarlamb eineltis.

„Ég hvet EGF til að hætta að kaupa auglýsingar á þessum miðli sem kennnir sig við „konur““, segir Vigdís í færslunni.

Vigdís tengir síðan við grein í Kvennablaðinu sem ber titilinn „Viskubrunnur Vigdísar“.

„Ein pistlahöfunda/ábyrgðakona - er eiginkona Regnbogamannsins sem lenti saman við Elínu Hirst er hún tjáði sig í þinginu um málefni sem samtökin hafa barist fyrir.“

„Eru þær konur sem sem eru pistlahöfundar hér stoltar af þessum miðli - um leið og átakinu „konur til forystu“ var hleypt af stokkunum?,“ spyr hún ennfremur og bætir við:

„Svari nú hver fyrir sig!!!“