Skilnaðurinn skilgreinir mig ekki

Leikkonan Katie Holmes prýðir forsíðu tímaritsins People og opnar sig meðal annars um skilnaðinn við leikarann Tom Cruise árið 2012.

„Ég vil ekki að sú stund í mínu lífi skilgreini mig. Ég vil ekki vera manneskjan sem ég er þekkt sem. Ég var leikkona fyrir skilnaðinn, leikkona á meðan á honum stóð og leikkona núna,“ segir Katie.

Tom og Katie eiga dótturina Suri sem kom í heiminn í apríl árið 2006. Katie nýtur sín í móðurhlutverkinu.

„Ég er að læra á hverjum degi og ég hef verið að gera það síðan ég varð móðir. Ég er þolinmóðari,“ segir hún.

„Ég er óttalaus núna. Ég set mér engar reglur lengur og ég tek mig ekki alvarlega,“ bætir hún við.