Sjáðu þetta - hún er 64 ára gömul

,,Þú ert aldrei of gamall til að láta drauma þína rætast," segir Diana Nyad, 64 ára, fyrsta manneskjan til að synda frá Kúbu til Flórída í meðfylgjandi myndskeiði sem þú ættir að gefa þér tíma til að horfa á ef þú leitast við að bæta þig á einhvern hátt eða ert að setja þér markmið svona í upphafi árs.

Sundferðin reyndi mikið á Diönu sem er engin furða en hún náði að synda leiðina samfleytt í 53 klukkustundir eftir fjórar misheppnaðar tilraunir.  Eins og sjá má í myndbandinu var lykillinn að árangri Diönu samvinna margra aðila.