Rakettan á Loft 2014 á Loftinu

„Við erum komin heim til þess að koma þér upp í geim,“ segir Jón Atli Helgason, hárgreiðslumaður og plötusnúður og einn skipuleggjenda Rakettan á Loft 2014.

Um er að ræða áramótapartí sem haldið verður á Loftinu í Austurstræti í kvöld.

Ásamt Jóni Atla, betur þekktur sem plötusnúðurinn Sexy Lazer, koma að skipulagningunni þær Edda Pétursdóttir, fyrirsæta og plötusnúður, búsett í New York, og Dóra Dúna, veitingahúsaeigandi í Kaupmannahöfn.

„Það verður öllu tjaldað til,“ segir Jón Atli, en hann er búsettur í Kaupmannahöfn.

„Við erum fáránlega spennt fyrir þessu kvöldi. Það verður geðveik tónlist, og stuð fram á rauða nótt,“ heldur Jón Atli áfram, en í partíinu spila plötusnúðarnir Krede, Edda P og Sexy Lazer.

Jón Atli segir aðeins örfáa miða í boði í forsölu. „Við komu verður afhentur happdrættismiði og CÎROC Ultra Premium Vodka býður svo heppnum gesti upp á flösku,“ útskýrir hann.

„Ekki missa af þessu, þetta verður tryllt!“ segir Jón Atli.