Næstsíðasti leikur Hlyns í dag

Íslenska dómaraparið Anton Gylfi Pálsson og Hlynur Leifsson munu dæma undanúrslitaleik Kielce og Barcelona í Meistaradeild Evrópu í Köln í dag.

Leikurinn verður síðasti félagsliðaleikurinn sem Hlynur dæmir, en hann ákvað fyrir nokkru að leggja flautuna á hilluna í lok tímabilsins.

Þeir Anton Gylfi og Hlynur munu þó dæma einn leik til viðbótar, landsleik Rússlands og Serbíu þann 12. júní næstkomandi. Eftir það leggur Hlynur flautuna til hliðar en Anton Gylfi mun dæma áfram með Jónasi Elíassyni.