Gunnar Steinn stórkostlegur í sigri á PSG

HK-ingurinn skoraði sjö mörk úr jafnmörgum skotum í 30-26 sigri Nantes á stórstjörnuliði Paris Saint Germain í frönsku deildinni í kvöld.

Gunnar Steinn Jónsson skoraði sjö mörk úr jafnmörgum skotum í 30-26 sigri Nantes á stórstjörnuliði Paris Saint Germain í frönsku deildinni í kvöld.

Gunnar Steinn var valinn í 28 manna æfingahóp íslenska landsliðsins í dag og fagnaði því með fyrrnefndri frammistöðu. Gunnar Steinn gekkst undir aðgerð á öxl fyrr á árinu en er heldur betur kominn á gott skrið.

Ásgeir Örn Hallgrímsson og Róbert Gunnarsson eru á mála hjá PSG en komu lítið við sögu í kvöld. PSG deilir toppsætinu með Dunkerque. Bæði lið hafa 19 stig en stórliðið í höfuðborginni hefur þó leikið tveimur leikjum meir. Nantes er í 4. stæi með 16 stig.