Götuljós einnig slökkt í Hafnarfirði og Kópavogi

Íbúar á höfuðborgarsvæðinu ættu að geta notið norðurljósanna í kvöld. Greint var frá því fyrr í dag að ljós yrðu slökkt í Reykjavík á fjórum svæðum. Umrædd svæði eru Grafarholt, Seljahverfi í Breiðholti, Öskjuhlíð og Skólavörðuholt. Dregið verður úr lýsingu frá kl. 21:30 - 22:00

Hafnarfjörður og Kópavogur hafa fylgt að fordæmdi Reykjavíkur og munu einnig slökkva sín götuljós í kvöld á sama tíma. Slökkt verður á öllum götuljósum í Hafnarfirði og í Kópavogi.

Spáð er stórkostlegri norðurljósasýningu í kvöld og ættu borgarbúar því að geta notið norðurljósanna í kvöld betur en oft áður.

Þeir sem ná góðum myndum af norðurljósunum í kvöld geta sent myndir á ritstjorn@visir.is eða gert # á instagram.