Kobe meiddur á ný | Frá í sex vikur

Það eru ekki nema þrjár vikur síðan LA Lakers eyrnamerkti Kobe Bryant 48,5 milljónir dollara sem hann á að fá í laun. Hann á að vera áfram framtíð liðsins þó svo hann sé nýstiginn upp úr erfiðum meiðslum og sé orðinn 35 ára gamall.

Ljóst er að það mun taka Bryant tíma að finna sitt gamla spil- og líkamlega form eftir meiðslin erfiðu. Hann er aftur meiddur og verður frá að þessu sinni í sex vikur.

Kobe meiddist á hné að þessu sinni. Þess utan á sama fæti og hann meiddist alvarlega á ökkla.

Fjölmiðlar ytra spyrja sig nú að því hvað þetta þýði og margir óttast að Kobe muni aldrei aftur ná sér almennilega á strik. Skrokkurinn sé einfaldlega búinn að segja stopp.