Rob Ford tekur létt dansspor

Rob Ford, borgarstjóri Toronto fór mikinn á þinginu í borginni á dögunum og steig nokkur vel valin dansspor.

Ford dansaði meðal annars laglega við lag Bob Marley, One Love en hann hefur verið duglegur að koma sér í fjölmiðla undanfarið ár.

Hefur hann meðal annars viðurkennt að hafa reykt krakk í borgarstjóratíð sinni auk þess sem myndband birtist af honum þar sem hann hótar manni kvalarfullum dauðdaga.

Ford hefur einnig verið ásakaður um kynferðislega áreitni í garð samstarfsmanna sinna.

Borgarstjórinn hefur ávallt neitað að segja af sér en í raun hafa öll völd verið tekin af honum af borgarráði í Toronto.

Hér að neðan má sjá þetta skemmtilega myndband.