Mikilvægur sigur hjá Ljónunum hans Guðmundar

Rhein-Neckar Löwen vann mikilvægan sigur á Melsungen í þýsku úrvalsdeildinni í handbolta í dag 30-27 í sannkölluðum fjögurra stiga leik. Guðmundur Guðmundsson þjálfar Löwen en Alexander Petersson skoraði 3 mörk í leiknum.

Aðeins tveimur stigum munaði á liðunum fyrir leikinn, Löwen var í fjórða sæti en Melsungen í því sjötta. Löwen styrkti því stöðu sína í öðru sæti með sigrinum en liðið er fjórum stigum frá toppnum.

Leikurinn var jafn og spenanndi framan af leik en jafnt var í hálfleik 12-12. Ljónin hans Guðmundar voru sterkari á lokasprettinum og sigu hægt en örugglega framúr og tryggðu sér sigurinn mikilvæga.

Andy Schmid skoraði 10 mörk fyrir Löwen og Uwe Gensheimer 6. Stefán Rafn Sigurmannsson kom ekkert við sögu og Alexander Petersson skoraði 3 mörk.

Michael Müller skoraði 7 mörk fyrir Melsungen. Felix Danner skoraði 6 mörk og Johannes Sellin 5.