Besta byrjun í sögu Indiana

Indiana Pacers er að byrja með látum í NBA-deildinni og vann í nótt sinn áttunda leik í röð. Liðið hefur ekki enn tapað leik og þessi byrjun liðsins er félagsmet.

Lance Stephenson sagði við félaga sína fyrir tímabilið að hann vildi byrja tímabilið 10-0. Þá hlógu einhverjir en þeir hlæja ekki núna.

Stephenson lagði sitt af mörkum í nótt með 13 stigum, 12 stoðsendingum og 11 fráköstum. Hann er fjórði byrjunarliðsmaður Pacers sem nær þrefaldri tvennu í upphafi leiktíðar.

Minnesota tókst ekki að afgreiða bæði Los Angeles-liðin. Eftir flottan sigur á Lakers tapaði liðið naumlega gegn Clippers í nótt.

Houston vann síðan í spennutrylli gegn Toronto þar sem varð að tvíframlengja.

Úrslit:

Charlotte-Atlanta  94-103

Indiana-Memphis  95-79

Philadelphia-San Antonio  85-109

Boston-Orlando  120-105

Chicago-Cleveland  96-81

Houston-Toronto  110-104

Utah-Denver  81-100

Portland-Detroit  109-103

LA Clippers-Minnesota  109-107