Þór vann Snæfell í Hólminum - öll úrslit kvöldsins

Fyrstu umferð Domnios-deildar karla í körfubolta lauk í kvöld með þremur leikjum og mesta athygli vakti að Þór úr Þorlákshöfn fór í Stykkishólm og vann 11 stiga sigur á heimamönnum í Snæfelli. Haukar unnu fimmtán stiga sigur á Val í nýliðaslagnum og Njarðvík vann átta stiga sigur á Ísafirði.

Mike Cook Jr. skoraði 38 stig fyrir Þór í 92-81 sigri í Stykkishólmi en Þórsarar lögðu grunninn að sigrinum með því að vinna þriðja leikhlutann 28-13. Snæfellingar voru Kanalausir í kvöld en Jón Ólafur Jónsson skoraði langmest fyrir liðið eða 28 stig.

Jason Smith var með 41 stig, 7 fráköst og 7 stoðsendingar fyrir KFÍ en það dugði ekki til í 98-106 tapi á móti Njarðvík í Jakanum. Nigel Moore, Elvar Már Friðriksson og Logi Gunnarsson skoruðu allir 23 stig fyrir Njarðvík í kvöld.

Terrence Watson var með 25 stig, 17 fráköst og 6 varin skot þegar Haukar unnu 85-70 sigur á Val í nýliðaslag á Ásvöllum. Emil Barja var með þrennu fyrir Hauka en hann skoraði 11 stig, tók 13 fráköst og gaf 10 stoðsendingar auk þess að stela 5 boltum.



Snæfell-Þór Þ. 81-92 (24-19, 22-21, 13-28, 22-24)

Snæfell: Jón Ólafur Jónsson 28/10 fráköst, Sigurður Á. Þorvaldsson 12/6 fráköst, Hafþór Ingi Gunnarsson 11/4 fráköst, Finnur Atli Magnússon 8, Sveinn Arnar Davíðsson 7/4 fráköst, Stefán Karel Torfason 6, Kristján Pétur Andrésson 5/6 fráköst, Pálmi Freyr Sigurgeirsson 3, Þorbergur Helgi Sæþórsson 1.

Þór Þ.: Mike Cook Jr. 38, Nemanja Sovic 18/5 fráköst, Ragnar Ágúst Nathanaelsson 17/14 fráköst, Tómas Heiðar Tómasson 9, Baldur Þór Ragnarsson 6/6 stoðsendingar, Emil Karel Einarsson 2, Þorsteinn Már Ragnarsson 2.



KFI-Njarðvík 98-106 (23-28, 21-25, 30-26, 24-27)

KFI: Jason Smith 41/7 fráköst/7 stoðsendingar, Ágúst Angantýsson 19/5 fráköst, Mirko Stefán Virijevic 19/8 fráköst, Hraunar Karl Guðmundsson 9, Jón Hrafn Baldvinsson 8, Guðmundur Jóhann Guðmundsson 2.

Njarðvík: Nigel Moore 23/8 fráköst, Logi Gunnarsson 23, Elvar Már Friðriksson 23/6 stoðsendingar, Snorri Hrafnkelsson 19, Hjörtur Hrafn Einarsson 8, Friðrik E. Stefánsson 5, Ágúst Orrason 3, Óli Ragnar Alexandersson 2.



Haukar-Valur 85-70 (20-13, 24-26, 19-14, 22-17)

Haukar: Terrence Watson 25/17 fráköst/6 varin skot, Davíð Páll Hermannsson 22/8 fráköst, Emil Barja 11/13 fráköst/10 stoðsendingar/5 stolnir, Sigurður Þór Einarsson 11/4 fráköst, Svavar Páll Pálsson 8/5 fráköst, Kári Jónsson 4/4 fráköst, Haukur Óskarsson 4.

Valur: Chris Woods 27/10 fráköst, Birgir Björn Pétursson 11/10 fráköst, Oddur Ólafsson 7/5 fráköst, Rúnar Ingi Erlingsson 7/4 fráköst, Kristinn Ólafsson 6, Ragnar Gylfason 3/5 fráköst, Benedikt Blöndal 3, Guðni Heiðar Valentínusson 3, Benedikt Skúlason 2, Oddur Birnir Pétursson 1/5 fráköst.