Björgvin Páll valinn í lið umferðarinnar

Björgvin Páll Gústavsson, landsliðsmarkvörður okkar Íslendinga í handknattleik, hefur verið valinn í lið umferðarinnar af tímaritinu Handball Woche sem kom út í morgun.

Björgvin leikur með nýliðum Bergischer í þýsku úrvalsdeildinni en liðið hefur byrjað mótið frábærlega. Eftir tap í fyrstu umferð gegn Kiel hefur liðið náð að vinna næstu fjóra leiki og hefur átta stig í deildinni.

Markvörðurinn átti frábæran leik gegn Wetzlar um helgina þegar lið hans vann eins marks sigur 25-24.

Skemmtileg viðurkenning eftir 2 geggjaða punkta í Wetzlar.... http://t.co/dZ14dUm2j9

— Björgvin Gústavsson (@BjoggiGustavs) September 17, 2013