Bradley Manning: "Þetta verður allt í lagi“

David Coombs, verjandi Bradley Manning, sagði á blaðamannafundi nú fyrir stundu að næstu skref í málinu væri að leita til Baracks Obama, forseta Bandaríkjanna, og fara fram á að forsetinn náði Manning eða stytti dóminn í þrjú ár, sem hann hefur þegar setið inni. 

Coombs sagði að samkvæmt lögum gæti skjólstæðingur sinn sótt um sýknun í fyrsta lagi eftir tíu ár, og svo á hverju ári næstu 25 árin.

Hann sagði að eftir að dómurinn var kveðinn upp hafi lögfræðiteymið verið miður sín en Manning hafi sagt við lögfræðingana að hafa ekki áhyggjur - þeir hafi gert sitt besta. „Þetta verður allt í lagi,“ sagði Manning.

Þá sagði Coombs að sigurvegarinn í málinu væri almenningur, sem hafi fengið upplýsingar sem hann hafði annars aldrei fengið að vita um. 

Blaðamannafundurinn kemur í heild sinni hingað inn innan skamms.