Glæsipútt Mickelson og önnur mögnuð högg

Bestu kylfingar heimsins eigast við um helgina á Opna bandaríska meistaramótinu í golfi. Frábær tilþrif sáust á öðrum degi mótsins í gær.

Bandaríkjamaðurinn Phil Mickelson lauk hringnum með löngu pútti fyrir fugli á átjándu holu. Landi hans Billy Horschel nældi sömuleiðis í fugl á lokaholunni en þeir deila forystu sætinu á einu höggi undir pari.

Pútt þeirra félaga eru þau fyrstu sem sjá má í myndskeiðinu hér að ofan. Þar má einnig sjá frábærar vippur Nicolas Colsaerts og Luke Donald auk pútts John Senden langt fyrir utan flöt og ofan í.