Andri mögulega á förum frá ÍBV

Andri Ólafsson hefur samkvæmt fréttavefnum Fótbolti.net fengið leyfi forráðamanna ÍBV til að ræða við önnur félög.

Andri er samningsbundinn ÍBV til 2015 en meiðsli gerðu honum erfitt fyrir á síðasta tímabili í Pepsi-deild karla. Hann er 27 ára gamall og hefur verið fyrirliði Eyjamanna.

ÍBV hefur misst nokkra leikmenn í haust auk þess sem að norska félagið Sarpsborg hefur gert tilboð í Þórarinn Inga Valdimarsson sem ÍBV er nú að skoða.

Aðrir sem hafa farið eru Guðmundur Þórarinsson, Tryggvi Guðmundsson, Abel Dhaira, Christian Steen Olsen og Rasmus Christiansen.