Munu skoða sameiningu

Bæjarráð Kópavogs hefur samþykkt að kanna áhuga á sameiningu við Garðabæ, Álftanes og Hafnarfjörð hjá þessum sveitarfélögum. Tillaga að nafni er þegar komin fram; Heiðmörk.

Guðrún Ágústa Guðmundsdóttir, bæjarstjóri Hafnarfjarðar, telur hugmyndina áhugaverða. Hún verður rædd á næsta fundi bæjarstjórnar. Snorri Finnlaugsson, bæjarstjóri Álftaness, sagði að þar væri verið að hugsa um sameiningu við Garðabæ. Gunnari Einarssyni, bæjarstjóra Garðabæjar, líst illa á hugmyndina.