Vilji er allt sem þarf

Alvarlegum vanskilum heldur áfram að fjölga og um tuttugu og sjö þúsund einstaklingar eru í alvarlegum vanskilum og hafa aldrei verið fleiri. Fjöldi fasteigna sem seldar eru nauðungarsölu hefur tvöfaldast í Reykjavík á fyrstu sex mánuðum þessa árs. Einstaklingum sem eru í alvarlegum vanskilum fjölgar statt og stöðugt. Ekkert lát er á þessari þróun samkvæmt tölum Creditinfo. Tíundi hver fjárráða Íslendingur er í alvarlegum vanskilum. Creditinfo telur verulegar líkur á því að uppboðsmálum muni fjölga verulega og nauðungarsölur nái hámarki næsta vorið 2013.

Stjörnuhrap forsætisráðherraJóhanna Sigurðardóttir (JS), hefur haft mörg tækifæri til þess að afnema verðtrygginguna og breyta kerfinu sem æðsti yfirmaður Íbúðalánasjóðs um árabil og sat í ríkisstjórn þegar MiFID-reglur Evrópusambandsins voru lögfestar þann 1. nóvember 2007. Við þessa lagabreytingu átti að afnema verðtryggingu af neytenda- og húsnæðislánum almennings. Var JS samkvæm sjálfri sér þegar hún skrifaði grein fyrir nokkru síðan sem bar nafnið „Ísland eina landið sem verðtryggir skuldir heimilanna“? JS segir í grein sinni: „Efnahagsleg rök og sanngirni mæla með því að verðtrygging á lánum til heimilanna verði alfarið bönnuð, að ríkisstjórnin sé föst í gamla verðbólgu hugsunarhættinum … Grænmetisverð eykur skuldir heimilanna. Fólkið skilur því ekki hvernig höfuðstóll skuldanna vex sífellt. Er nema von að það skilji ekki ástæðurnar…“

Hvergi annars staðarÞáverandi alþingismaður segir ennfremur: „Meginniðurstaðan er að verðtrygging er ekki á lánum til heimila í löndum OECD, að Íslandi undanskildu … Gjaldþrot heimilanna hafa vaxið gífurlega … Allt þetta ætti nú að skapa forsendur til að afnema verðtryggingu á fjárskuldbindingum heimilanna … En allt kemur fyrir ekki. Rökstuðningur ráðherrans í svari við fyrirspurn minni byggist á gamla verðbólguhugsunarhættinum, sem ríkisstjórnin virðist föst í. Það mæla bæði efnahagsleg rök og sanngirni með því að verðtrygging á lánum til heimilanna verði alfarið bönnuð á næstu misserum.“ Svo mörg voru orð JS.

Persónulegt stjörnuhrapFerill JS á þessu kjörtímabili er persónulegt stjörnuhrap. Stjórn landsins er komin í slíkar ógöngur og þráseta hennar kemur í veg fyrir raunhæfar aðgerðir til að bæta hag þjóðarinnar. Stjórnvöld hafa tekið stöðu með fjármálafyrirtækjunum og erlendum vogunarsjóðum gegn almenningi. Verðtryggingin hefur lagst af fullum þunga á skuldsett heimili landsins, en fjármagnseigendur eru varðir að fullu. Engin verðtrygging er á húsnæðislánum annars staðar í heiminum. Ekki er líklegt að einhver önnur þjóð í heiminum láti bjóða sér svona fyrirkomulag. Þjóðin kallar eftir ábyrgð og fáir hafa haft það orð oftar á tungu en Jóhanna Sigurðardóttir.

KynslóðasáttHelsta baráttumál Hægri grænna, flokks fólksins í næstu alþingiskosningum verður skuldaleiðrétting á verðtryggðum húsnæðislánum sem við köllum „kynslóðasátt“ og geta menn nálgast hugmyndir okkar á www.XG.is. Við verðum að gefa fjölskyldum þessa lands ný spil og byrja upp á nýtt. Vilji er allt sem þarf.