Ragnheiður Skúladóttir ráðinn leikhússtjóri á Akureyri

Starfsmönnum Leikfélags Akureyrar var í dag tilkynnt að stjórn Leikfélags Akureyrar hefði ráðið Ragnheiði Skúladóttur í starf leikhússtjóra félagsins næstu tvö leikár.

Ragnheiður Skúladóttir tók við listrænni stjórn LA á erfiðum tímum leikfélagsins, sem fór nánast í þrot á tímabili, og hefur ásamt samstarfsfólki sínu náð að lyfta grettistaki á skömmum tíma samkvæmt tilkynningu frá LA.

Stjórnin telur því að hún sé rétti aðilinn til þess að leiða endurreisn Leikfélags Akureyrar

Stjórn LA stendur einhuga að þessari ákvörðun þótt í lögum félagsins segi að leikhússtjóri skuli ráðinn að undangenginni auglýsingu til þriggja ára.

Nú á sér stað umræða um hugsanlegt aukið samstarf menningarstofnana á Akureyri sem geta falið í sér breytinar á starfsemi LA og þar með á starfi leikhússtjóra.

Því þótti stjórninni þetta frávik frá lögum félagsins réttlætanlegt og óráðlegt í ljósi aðstæðna að ráða leikhússtjóra til lengri tíma en tveggja ára.