Farið fram á þunga dóma stigur@frettabladid.is skrifar 23. nóvember 2012 09:00 Langt og strangt Dómarar málsins eiga mikið verk fyrir höndum næstu fjórar vikur. Þessa mynd teiknaði Halldór Baldursson af þeim á þriðjudag. „Því miður er ég hræddur um að það sé búið að ákveða þennan dóm fyrir löngu síðan og það sé bara formsatriði að halda þessi réttarhöld," sagði Annþór Kristján Karlsson þegar honum gafst tækifæri til að ávarpa dóminn í blálokin á eigin réttarhöldum undir kvöld í gær. Annþór er ákærður ásamt Berki Birgissyni og átta öðrum fyrir þrjár líkamsárásir, frelsissviptingar og fjárkúgun. Saksóknari og verjendur fluttu mál sitt í allan gærdag, en í lokin fengu Annþór og Börkur að ávarpa dóminn að eigin ósk. Annþór lýsti þeirri skoðun sinni að málið allt væri atlaga að honum. „Lögregla og aðrir glæpamenn – ég lít á mig sem glæpamann, hef verið glæpamaður í mörg ár – eru búnir að biðja menn að bera ljúgvitni gegn mér," sagði hann. Þá gagnrýndi hann það sem hann kallaði „fíaskó" við flutning hans og Barkar til og frá réttarsölum. „Það er búið að búa til eitthvað „show" eins og við séum alveg svaðalega hættulegir," sagði hann, og bætti við að sjálfur hefði hann ekkert gert sem gæfi tilefni til þess og að Börkur hefði bara hrækt í átt að dómara. „Ég sé ekki alveg ofbeldið í því," sagði Annþór. „Mig langar að lýsa yfir ánægju með það að allir þeir sem hafa borið mig röngum sökum skuli hafa dregið framburð sinn til baka," sagði Börkur. Þess ber að geta að saksóknari heldur því fram að sá breytti framburður helgist af hótunum Annþórs og Barkar í þeirra garð. Báðir hafa þeir sagst að langmestu leyti saklausir og halda því fram að lögregla hafi falsað skýrslur. Og Börkur bætti um betur í gær: „Lögreglan er búin að hvetja og kúga veikgeðja einstaklinga til að bera ljúgvitni gegn mér." Þá kvaðst hann ætla að birta upptökur af vitnaskýrslum sem hann fékk afhentar fyrir mistök á netinu sem staðfestingu á óheiðarlegum vinnubrögðum lögreglu. Hann sagðist hafa setið saklaus í fangelsi í átta mánuði vegna málsins, vitnaði í stjórnarskrárákvæðið um að allir menn væru saklausir uns sekt þeirra væri sönnuð og lauk ræðu sinni á þennan hátt:. „Af hverju á þetta ákvæði ekki við um mig?" Það var sækjandi málsins, Karl Ingi Vilbergsson, sem hóf gærdaginn á málflutningi sínum. Hann sagði framburð Annþórs og Barkar mjög ótrúverðugan og benti á að nánast allir sem tengdust málunum sem til umfjöllunar eru væru mjög óttaslegnir við þá. Því næst fór Karl Ingi yfir refsikröfurnar í málinu. Hann fór fram á átta ára fangelsi yfir Annþóri og sjö ára yfir Berki, með vísan til mikils brotaferils þeirra. Hann krafðist tveggja til þriggja og hálfs árs fangelsis yfir flestum hinna, og hálfs árs fangelsis yfir einum. Verjendurnir tíu tóku við af Karli Inga og töluðu máli skjólstæðinga sinna. Allir voru þeir sammála um að rannsókn lögreglu hefði verið áfátt, jafnvel svo mjög að það ætti að varða frávísun málsins. Lengst töluðu Guðmundur St. Ragnarsson, verjandi Annþórs, og Ingi Freyr Ágústsson, verjandi Barkar. Þeir töldu augljóst að lögregla hefði ekki gætt hlutlægni við rannsókn málsins. Hún hefði nær öll beinst að skjólstæðingum þeirra. „Það er eins og það sé verið að reyna að negla þá tvo – ekki hina," sagði Guðmundur, sem sagði til dæmis að það væri „algjör firra" að ætla að sakfella Annþór fyrir árás í Háholti í Mosfellsbæ sem níu sakborninganna eru ákærðir fyrir. „Málið er allt með ólíkindum," samsinnti Ingi Freyr. Allt væri gert til að varpa sök á Annþór og Börk og sumu úr framburði vitna og sakborninga væri „sópað undir teppið" í þeim tilgangi. Að öllu loknu var málið dómtekið. Dómur fellur líklega innan fjögurra vikna. Fréttir Mest lesið Segir viðbrögð borgarfulltrúa á mótmælum kjánaleg Innlent Forsætisráðherra skynjar óöryggi meðal fólks Innlent Bílastæðin höluðu inn 78 milljónum en kostuðu litlu minna Innlent Kindur aðstoðuðu björgunarfólk að finna afkvæmi sín Innlent Segja ásakanir á hendur séra Friðriki tómt rugl Innlent Áhyggjuefni ef raddir kvenna hætti að heyrast í þróunaraðstoð Innlent Grjóthrun á Siglufjarðarvegi og skriðufall í Neskaupstað Veður Rýming í Köln vegna þriggja sprengja frá seinni heimsstyrjöldinni Erlent Alda María nýr formaður Heimdallar Innlent Segir Bjarna Benediktssyni að stinga tappa upp í „tengdasoninn“ Innlent Fleiri fréttir Áhyggjuefni ef raddir kvenna hætti að heyrast í þróunaraðstoð Segir viðbrögð borgarfulltrúa á mótmælum kjánaleg Alda María nýr formaður Heimdallar Um 160 fatlaðir starfsmenn hjá Ás styrktarfélagi í Kópavogi Bílastæðin höluðu inn 78 milljónum en kostuðu litlu minna Forsætisráðherra skynjar óöryggi meðal fólks Kindur aðstoðuðu björgunarfólk að finna afkvæmi sín Forstjóri Útlendingastofnunar vildi skýr svör frá Víði um umsókn Oscars Segja ásakanir á hendur séra Friðriki tómt rugl Lömb á kafi, útlendingaumræðan og Brynjar Karl í beinni Þungir dómar fyrir að smygla fleiri lítrum af kókaíni „Ættum frekar að láta borgina skrifa undir mannréttindasáttmála“ „Þarna er gripið fram fyrir hendurnar á Alþingi“ Gæsluvarðhald framlengt aftur Alveg gáttuð á framgöngu Víðis sem hafi brotið trúnað Landris mælist áfram í Svartsengi Vilja að Aþena fylgi mannréttindastefnu borgarinnar Hefur metnað til að leiða flokkinn þrátt fyrir slæmt gengi „Ekki hægt að segja annað en fyrirgefið“ Reyna að bjarga 100 kindum og lömbum á kafi í snjó Víðir um mál Oscars: „Réttur okkar þingmanna að hafa skoðun“ Notkun rafbyssa í samræmi við markmið Varð undir bílhræi ofan í járntætara og fær 150 milljónir „Auddi, Steindi og Egill voru í markaðsmálum“ Sakar Víði um pólitísk afskipti af máli Oscars Þurfa að gefa út ákæru á morgun ef gæsluvarðhaldið á að vera lengra Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Rafbyssu beitt þrisvar sinnum á fyrsta ársfjórðungi Nóttin róleg hjá björgunarsveitum Turnarnir svínvirka en fegrunaraðgerðir í farvatninu Sjá meira
„Því miður er ég hræddur um að það sé búið að ákveða þennan dóm fyrir löngu síðan og það sé bara formsatriði að halda þessi réttarhöld," sagði Annþór Kristján Karlsson þegar honum gafst tækifæri til að ávarpa dóminn í blálokin á eigin réttarhöldum undir kvöld í gær. Annþór er ákærður ásamt Berki Birgissyni og átta öðrum fyrir þrjár líkamsárásir, frelsissviptingar og fjárkúgun. Saksóknari og verjendur fluttu mál sitt í allan gærdag, en í lokin fengu Annþór og Börkur að ávarpa dóminn að eigin ósk. Annþór lýsti þeirri skoðun sinni að málið allt væri atlaga að honum. „Lögregla og aðrir glæpamenn – ég lít á mig sem glæpamann, hef verið glæpamaður í mörg ár – eru búnir að biðja menn að bera ljúgvitni gegn mér," sagði hann. Þá gagnrýndi hann það sem hann kallaði „fíaskó" við flutning hans og Barkar til og frá réttarsölum. „Það er búið að búa til eitthvað „show" eins og við séum alveg svaðalega hættulegir," sagði hann, og bætti við að sjálfur hefði hann ekkert gert sem gæfi tilefni til þess og að Börkur hefði bara hrækt í átt að dómara. „Ég sé ekki alveg ofbeldið í því," sagði Annþór. „Mig langar að lýsa yfir ánægju með það að allir þeir sem hafa borið mig röngum sökum skuli hafa dregið framburð sinn til baka," sagði Börkur. Þess ber að geta að saksóknari heldur því fram að sá breytti framburður helgist af hótunum Annþórs og Barkar í þeirra garð. Báðir hafa þeir sagst að langmestu leyti saklausir og halda því fram að lögregla hafi falsað skýrslur. Og Börkur bætti um betur í gær: „Lögreglan er búin að hvetja og kúga veikgeðja einstaklinga til að bera ljúgvitni gegn mér." Þá kvaðst hann ætla að birta upptökur af vitnaskýrslum sem hann fékk afhentar fyrir mistök á netinu sem staðfestingu á óheiðarlegum vinnubrögðum lögreglu. Hann sagðist hafa setið saklaus í fangelsi í átta mánuði vegna málsins, vitnaði í stjórnarskrárákvæðið um að allir menn væru saklausir uns sekt þeirra væri sönnuð og lauk ræðu sinni á þennan hátt:. „Af hverju á þetta ákvæði ekki við um mig?" Það var sækjandi málsins, Karl Ingi Vilbergsson, sem hóf gærdaginn á málflutningi sínum. Hann sagði framburð Annþórs og Barkar mjög ótrúverðugan og benti á að nánast allir sem tengdust málunum sem til umfjöllunar eru væru mjög óttaslegnir við þá. Því næst fór Karl Ingi yfir refsikröfurnar í málinu. Hann fór fram á átta ára fangelsi yfir Annþóri og sjö ára yfir Berki, með vísan til mikils brotaferils þeirra. Hann krafðist tveggja til þriggja og hálfs árs fangelsis yfir flestum hinna, og hálfs árs fangelsis yfir einum. Verjendurnir tíu tóku við af Karli Inga og töluðu máli skjólstæðinga sinna. Allir voru þeir sammála um að rannsókn lögreglu hefði verið áfátt, jafnvel svo mjög að það ætti að varða frávísun málsins. Lengst töluðu Guðmundur St. Ragnarsson, verjandi Annþórs, og Ingi Freyr Ágústsson, verjandi Barkar. Þeir töldu augljóst að lögregla hefði ekki gætt hlutlægni við rannsókn málsins. Hún hefði nær öll beinst að skjólstæðingum þeirra. „Það er eins og það sé verið að reyna að negla þá tvo – ekki hina," sagði Guðmundur, sem sagði til dæmis að það væri „algjör firra" að ætla að sakfella Annþór fyrir árás í Háholti í Mosfellsbæ sem níu sakborninganna eru ákærðir fyrir. „Málið er allt með ólíkindum," samsinnti Ingi Freyr. Allt væri gert til að varpa sök á Annþór og Börk og sumu úr framburði vitna og sakborninga væri „sópað undir teppið" í þeim tilgangi. Að öllu loknu var málið dómtekið. Dómur fellur líklega innan fjögurra vikna.
Fréttir Mest lesið Segir viðbrögð borgarfulltrúa á mótmælum kjánaleg Innlent Forsætisráðherra skynjar óöryggi meðal fólks Innlent Bílastæðin höluðu inn 78 milljónum en kostuðu litlu minna Innlent Kindur aðstoðuðu björgunarfólk að finna afkvæmi sín Innlent Segja ásakanir á hendur séra Friðriki tómt rugl Innlent Áhyggjuefni ef raddir kvenna hætti að heyrast í þróunaraðstoð Innlent Grjóthrun á Siglufjarðarvegi og skriðufall í Neskaupstað Veður Rýming í Köln vegna þriggja sprengja frá seinni heimsstyrjöldinni Erlent Alda María nýr formaður Heimdallar Innlent Segir Bjarna Benediktssyni að stinga tappa upp í „tengdasoninn“ Innlent Fleiri fréttir Áhyggjuefni ef raddir kvenna hætti að heyrast í þróunaraðstoð Segir viðbrögð borgarfulltrúa á mótmælum kjánaleg Alda María nýr formaður Heimdallar Um 160 fatlaðir starfsmenn hjá Ás styrktarfélagi í Kópavogi Bílastæðin höluðu inn 78 milljónum en kostuðu litlu minna Forsætisráðherra skynjar óöryggi meðal fólks Kindur aðstoðuðu björgunarfólk að finna afkvæmi sín Forstjóri Útlendingastofnunar vildi skýr svör frá Víði um umsókn Oscars Segja ásakanir á hendur séra Friðriki tómt rugl Lömb á kafi, útlendingaumræðan og Brynjar Karl í beinni Þungir dómar fyrir að smygla fleiri lítrum af kókaíni „Ættum frekar að láta borgina skrifa undir mannréttindasáttmála“ „Þarna er gripið fram fyrir hendurnar á Alþingi“ Gæsluvarðhald framlengt aftur Alveg gáttuð á framgöngu Víðis sem hafi brotið trúnað Landris mælist áfram í Svartsengi Vilja að Aþena fylgi mannréttindastefnu borgarinnar Hefur metnað til að leiða flokkinn þrátt fyrir slæmt gengi „Ekki hægt að segja annað en fyrirgefið“ Reyna að bjarga 100 kindum og lömbum á kafi í snjó Víðir um mál Oscars: „Réttur okkar þingmanna að hafa skoðun“ Notkun rafbyssa í samræmi við markmið Varð undir bílhræi ofan í járntætara og fær 150 milljónir „Auddi, Steindi og Egill voru í markaðsmálum“ Sakar Víði um pólitísk afskipti af máli Oscars Þurfa að gefa út ákæru á morgun ef gæsluvarðhaldið á að vera lengra Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Rafbyssu beitt þrisvar sinnum á fyrsta ársfjórðungi Nóttin róleg hjá björgunarsveitum Turnarnir svínvirka en fegrunaraðgerðir í farvatninu Sjá meira