Skýrslu fjármálaráðherra um áhrif lækkunar höfuðstóls húsnæðislána var dreift á Alþingi í dag.
Helstu niðurstöður skýrslunnar eru þær að verg niðurfærsla húsnæðislána um 10% myndi kosta 124 milljarða króna. 25% niðurfærsla myndi kosta 310 milljarða.
Stærstur hluti niðurfærslunnar kæmi niður á Íbúðalánasjóði. Fyrir liggur að niðurfærsla lána Íbúðarlánasjóðs kæmi beint niður á fjárhag ríkissjóðs.
Niðurfærslan kæmi einnig niður á lífeyrissjóðum. Sá kostnaður mynda koma fram í rýrari lífeyrisréttindum.
Loks kæmi niðurfærslan niður á eigendum bankanna.
Skýrsluhöfundar telja að lækkun höfuðstóls húsnæðislána almennt hefði veruleg áhrif á hagkerfið í heild sinni. Með gjörðinni yrði stór hluti húsnæðisskulda landsmanna fluttur yfir á hið opinbera, eigendur lífeyrissjóðanna og eigendur bankanna. Kostnaður hins opinbera af lækkun af þessu tagi gæti numið 11-41% af útgjöldum þess árið 2011 og fyrir vikið fjarlægist jöfnuður í rekstri hins opinbera.
Guðlaugur Þór Þórðarson, þingmaður Sjálfstæðisflokks, fór meðal annarra fram á gerð skýrslunnar.
Hér má skoða skýrslu fjármálaráðherra.
Lækkun húsnæðislána kæmi niður á ríkissjóði
