Ásgeir Börkur býður sig fram sem vítaskyttu Fylkis

"Þetta var hundfúlt og ég er brjálaður. Við vorum betra liðið í 90 mínútur og svekkjandi að fá ekkert út úr þessu," sagði miðjumaðurinn Ásgeir Börkur Ásgeirsson hjá Fylki eftir 1-0 tap fyrir ÍA í kvöld.

Fylkismaðurinn Ingimundur Níels Óskarsson klikkaði á vítaspyrnu í kvöld en stuttu síðar tryggðu Skagamenn sér sigur. Í ljósi þess vaknar sú spurning hver taki næsta víti sem Fylkismenn fá.

„Ég hef ekki klikkað víti á æfingu í mörg ár þannig að ég býð mig fram ef þess þarf," sagði Ásgeir Börkur.

Fleiri viðtöl og umfjöllun um leikinn má sjá hér fyrir neðan.