Dean Martin fagnaði með heljarstökki

Dean Martin, leikmaður og aðstoðarþjálfari Skagamanna, fagnaði marki sínu í 3-2 sigrinum gegn Keflavík á dögunum með glæsilegu heljarstökki. Martin verður fertugur þann 31. ágúst.

Martin kom Skagamönnum á bragðið strax á fjórðu mínútu með marki af stuttu færi. Greinilegt var að Skagamenn voru búnir að æfa fagn til heiðus Martin sem bauð upp á rándýrt heljarstökk.

Þetta var annað mark Martin með Skagamönnum í Pepsi-deildinni í sumar og vonandi að mörkunum fjölgi bjóði Englendingurinn upp á fleiri fögn á borð við það sem sást í Keflavík.