Ólafur Ólafs: Skjalaflóð en ekkert í málinu - greinargerðin í heild

Ólafur Ólafsson, sem átti tæplega tíu prósent hlut í Kaupþingi þegar bankinn féll í október 2008, segir Al-Thani málið svokallaða, þar sem hann er meðal ákærðu, vera á sandi byggt og ákæran í málinu eigi ekki við rök að styðjast. Þrátt fyrir mikið „skjalaflóð" að hálfu ákæruvaldsins þá sé séu ákæruatriðin órökstudd og ekki studd staðreyndum, að því er segir í greinargerðinni.

Þetta kemu fram í greinargerð Ólafs í málinu, sem fylgir hér meðfylgjandi.

Ákæran í málinu byggir á því að ákærðu, sem eru auk Ólafs þeir Sigurður Einarsson, fyrrverandi stjórnarformaður Kaupþings, Hreiðar Már Sigurðsson, fyrrverandi forstjóri Kaupþings, og Magnús Guðmundsson, fyrrverandi forstjóri Kaupþings í Lúxemborg, hafi beitt blekkingum og staðið að markaðsmisnotkun, í tengslum við kaup Sjeiks Mohammed Al-Thani frá Katar á fimm prósenta hlut í Kaupþingi, í september 2008, fyrir um 25 milljarða. Kaupþing fjármagnði kaupin að stórum hluta sjálfur með lánveitingum, en Ólafur er ákærður fyrir hlutdeild í meintum markaðsmisnotkunarbrotum ásamt þeim Hreiðar Má og Sigurði.

„Það gengur sem rauður þráður í gegnum ákæru í máli þessu að Kaupþing hafi veitt lán til eignalausra félaga og að við lánveitingarnar hafi stjórnendur bankans brotið gegn reglum sem þeim bar að fara eftir þegar ákvarðanir væru teknar um slíkar lánveitingar. Af hálfu ákærða Ólafs er þessum málatilbúnaði mótmælt sem röngum og hann vísar því algjörlega á bug að hann hafi aðhafst nokkuð í þessu sambandi sem geti talist hlutdeild í refsiverðri háttsemi," segir í greinargerð Ólafs.

Fréttastofa hefur ekki fengið greingargerð embættis sérstaks sóknara í málinu afhenta, en embættið telur sig ekki hafa lagaheimild til þess að afhenda gögnin, samkvæmt svari Björns Þorvaldssonar, saksóknara í málinu, til fréttastofu.

Sjá má greinargerð Ólafs í Al-Thani málinu hér meðfylgjandi.