Tíu kanadískar hljómsveitir á Iceland Airwaves

Kanadískur blær hefur verið yfir tónlistarhátíðinni Iceland Airwaves en þar hafa tíu kanadískar hljómsveitir troðið upp. Fréttastofa hitti nokkra kanadíska tónlistarmenn sem voru yfir sig hrifnir af áhuga og hollustu íslenskra áhorfenda.

Airwaves og tónlistarhátíðin M for Montreal hafa tekið höndum saman og afraksturinn mátti meðal annars sjá og heyra í Hressó í gær þar sem fimm kanadískar hljómsveitir komu fram.

„Við fáum íslenskar hljómsveitir til Montreal og hljómsveitir frá Montreal koma til Íslands. Skipuleggjandi Iceland Airwaves kemur á hátíðina okkar og ég, sem skipulegg hátíðina þar, kem hingað. Þetta eru mikil samskipti og mikil vinátta og við höfum skipst á góðri tónlist síðustu tvö ár," segir Mikey Rishwain Bernard, skipuleggjandi M for Montreal.

Hægt er að nálgast umfjöllunina hér fyrir ofan en þar má einnig sjá viðtal við kanadísku hljómsveitina Passwords en þau komu fram á Iceland Airwaves.