Fyrsta jólafríið í 3 ár Óskar Ófeigur Jónsson skrifar 20. desember 2012 06:00 Logi Gunnarsson eyddi öllu sumrinu með íslenska landsliðinu en fær nú langþráð frí.Fréttablaðið/stefán Logi Gunnarsson er mættur heim í langþráð jólafrí á Íslandi og ætlar að taka þátt í ágóðaleik annað kvöld sem er á milli Njarðvíkur og úrvalsliðs Njarðvíkinga. Loga líður vel í Frakklandi og segist eiga nóg eftir í atvinnumennskunni. Logi Gunnarsson er á sínu fyrsta tímabili með Angers í Frakklandi eftir að hafa spilað í sænsku deildinni undanfarin ár. Ólíkt því sem tíðkast í Svíþjóð þá fá leikmennirnir í Frakklandi gott frí yfir hátíðirnar. „Já, maður er búinn að bíða lengi eftir því að komast heim í jólafrí. Það er alltaf gaman að fá að koma heim með fjölskylduna um jólin. Það eru þrjú ár síðan að ég náði því síðast. Í sænsku deildinni er spilað oftast milli jóla og nýárs og maður fékk þá bara frí í einn eða tvo daga. Núna fæ ég tólf daga frí," sagði Logi og það var strax ákveðið að fara heim um jólin. „Um leið og ég vissi það í september að við fengjum þetta frí þá ákvað ég strax að drífa mig heim. Við eigum að vera mættir aftur á æfingu 27. desember og svo er fyrsti leikur eftir áramót 5. janúar. Það er vel þegið að fá smá frí," sagði Logi, sem er sáttur í Frakklandi. Hann spilaði líka þar með St. Etienne tímabilið 2009-2010.Gamlinginn í liðinu „Það er búið að ganga ágætlega. Við erum yngstir í deildinni og það var ekki búist við miklu af okkur. Það er því ekkert hræðilegt þótt við séum bara í áttunda sætinu eins og er. Við erum tveir leikmenn sem erum fæddir 1981 en svo er restin bara unglingar. Það er svolítið skrýtið en ég var búinn að venjast því aðeins því ég var elstur í landsliðinu í haust. Maður fékk því smá undirbúning að vera gamlinginn. Maður er nú enn þá ferskur og ég er í mjög góðu formi og líður mjög vel," segir Logi. Íslenska landsliðið spilaði tíu leiki á fjórum vikum í haust og ferðaðist grimmt fram og aftur um Evrópu. Logi viðurkennir að það hafi tekið á. „Það tók mikið úr manni öll þessi ferðalög en þess vegna er kannski mikilvægt fyrir mig að fá gott jólafrí. Ég er búin að vera á fullu á stífum æfingum síðan í júní því við æfðum mjög mikið fyrir þessa Evrópukeppni. Það er engin pása búin að vera þannig að ég þigg þetta frí," segir Logi. Annað kvöld munu leiða saman hesta sína lið UMFN og úrvalslið Njarðvíkinga í Ljónagryfjunni í Njarðvík. Leikurinn hefst klukkan 20.00 og mun allur ágóði af leiknum renna til Líknarsjóðs Njarðvíkurkirkna. Úrvalslið Njarðvíkinga sem mætir til leiks er ekki af verri endanum. Leikmenn og þjálfarar liðsins hafa unnið 51 Íslandsmeistaratitil fyrir UMFN auk margra annarra titla. Þarna er á ferð blanda af leikmönnum sem eru uppaldir í UMFN en leika annars staðar á Íslandi eða erlendis, og nokkrum af skærustu stjörnum félagsins frá fyrri tíð. Logi verður þar í stóru hlutverki.Býst við fullri Ljónagryfju „Maður á nú góðar og frábærar minningar með þessum kempum sem maður vann marga titla með áður en maður fór í atvinnumennskuna. Það er gaman að fá að hitta aftur Frikka, Teit, Brenton, Pál og þessa stráka sem maður var að spila með hérna heima. Talandi ekki um að fá að spila með Ísak Tómassyni, sem er goðsögn og leikstjórnandi Njarðvíkurliðsins í gamla daga. Maður verður mataður af honum og Frikka Rag," segir Logi í léttum tón og hann finnur fyrir miklum áhuga í bænum. „Ég held að það verði fullt hús. Það eru allir rosalega spenntir fyrir þessu og þetta er líka fyrir gott málefni. Mæta í húsið, styrkja og horfa á gömlu karlana spila með okkur sem erum enn þá að spila. Þetta verður skemmtileg blanda," segir Logi, sem fær að halda sér við á æfingum með Njarðvíkurliðinu. „Ég er búinn að æfa með Njarðvíkingunum síðan ég kom heim. Þar var Frikki Ragnars mættur og Palli Kristins þannig að við erum búnir að taka smá æfingu fyrir leikinn. Menn ætla að vera tilbúnir í þennan leik því það er ekkert annað en sigur sem kemur til greina hjá okkar liði," segir Logi. Logi hefur spilað í atvinnumennsku í meira en áratug og segist ekkert vera á leiðinni heim. „Mér líður vel, ég held að ég sé enn þá að bæta mig og ég er í einu besta formi sem ég hef verið í. Ég sé fram á það ef ég fæ það sem ég vil varðandi tilboð frá góðum stöðum þá held ég að ég eigi eftir mörg ár í atvinnumennsku," segir Logi. Það er því ólíklegt að menn sjái hann spila aftur í bráð í Ljónagryfjunni eftir leikinn í kvöld. „Það verður kannski eitthvað í það en það eru forréttindi að fá að mæta á föstudaginn og spila með og á móti öllum þessum snillingum," sagði Logi. Dominos-deild karla Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn Drónabannið í Danmörku skapar vandamál fyrir fótboltafélögin Fótbolti FIFA: Donald Trump ræður engu um það Fótbolti Utan vallar: Er FH að endurtaka stærstu mistök í sögu félagsins? Íslenski boltinn Töpuðu fyrir Íslandi en ekki í Meistaradeildinni Fótbolti Pirraður yfir marki undir vegg: „Hann leggst bara í einhverja fósturstellingu“ Enski boltinn „Vorum eiginlega búnar að reka hana í hálfleik“ Körfubolti Fleiri fréttir Fannst Þórsarar og Lárus þurfa frí frá hvor öðrum Benedikt gefur Stjörnunni ráð: Alls ekki hringja í eldri bróðurinn „Vorum eiginlega búnar að reka hana í hálfleik“ Uppgjörið: Keflavík - Valur 79-88 |Frábær endurkomusigur hjá Val Beeman gekk frá fyrrum félögum Stólarnir sóttu sigur til Slóvakíu í fyrsta leik Verður sá síðasti í sögunni til að spila í treyju númer sex Jón vísar ummælum Rögnvaldar til föðurhúsanna Kemur dómaranefnd til varnar og hnýtir í Jón og tvíburana Craig Pedersen heldur áfram með íslenska landsliðið Grindvíkingar horfa áfram út fyrir landsteinana KR vann nýliðaslaginn Meistararnir byrja á góðum sigri Uppgjörið: Stjarnan - Njarðvík 64-81 | Reynslan skilaði gestunum sigri „Væri eiginlega kjánalegt að segjast ekki ætla að gera betur“ Ragnar frá Þorlákshöfn í Grindavík „Eina leiðin að segja já og amen við dómaranefndina“ Al Horford til Golden State Uppgjörið: Stjarnan - Valur 90-89 | Stjarnan náði að halda út og er meistari meistaranna Uppgjörið: Haukar - Njarðvík 83-86 | Njarðvík meistari meistaranna eftir kaflaskiptan leik Tindastóli og Njarðvík spáð toppnum í vetur Svona var kynningarfundurinn fyrir Bónus-deildirnar í vetur Yfirlýsing KKÍ: Hvorki vilja né geta tjáð sig um mál Davíðs Helenu nóg boðið: „Ætlum við í alvöru að leyfa þessu að gerast?“ Formaður dómaranefndar KKÍ tjáir sig ekki Um þögnina varðandi dómaramál KKÍ: „Þurfum að komast til botns í þessu“ Áfall fyrir Houston Forráðamenn KKÍ neita að tjá sig um dómaramálin Fannst skilaboðin frá dómaranefnd galin Mynd af ellefu ára leikmanni Real vekur athygli Sjá meira
Logi Gunnarsson er mættur heim í langþráð jólafrí á Íslandi og ætlar að taka þátt í ágóðaleik annað kvöld sem er á milli Njarðvíkur og úrvalsliðs Njarðvíkinga. Loga líður vel í Frakklandi og segist eiga nóg eftir í atvinnumennskunni. Logi Gunnarsson er á sínu fyrsta tímabili með Angers í Frakklandi eftir að hafa spilað í sænsku deildinni undanfarin ár. Ólíkt því sem tíðkast í Svíþjóð þá fá leikmennirnir í Frakklandi gott frí yfir hátíðirnar. „Já, maður er búinn að bíða lengi eftir því að komast heim í jólafrí. Það er alltaf gaman að fá að koma heim með fjölskylduna um jólin. Það eru þrjú ár síðan að ég náði því síðast. Í sænsku deildinni er spilað oftast milli jóla og nýárs og maður fékk þá bara frí í einn eða tvo daga. Núna fæ ég tólf daga frí," sagði Logi og það var strax ákveðið að fara heim um jólin. „Um leið og ég vissi það í september að við fengjum þetta frí þá ákvað ég strax að drífa mig heim. Við eigum að vera mættir aftur á æfingu 27. desember og svo er fyrsti leikur eftir áramót 5. janúar. Það er vel þegið að fá smá frí," sagði Logi, sem er sáttur í Frakklandi. Hann spilaði líka þar með St. Etienne tímabilið 2009-2010.Gamlinginn í liðinu „Það er búið að ganga ágætlega. Við erum yngstir í deildinni og það var ekki búist við miklu af okkur. Það er því ekkert hræðilegt þótt við séum bara í áttunda sætinu eins og er. Við erum tveir leikmenn sem erum fæddir 1981 en svo er restin bara unglingar. Það er svolítið skrýtið en ég var búinn að venjast því aðeins því ég var elstur í landsliðinu í haust. Maður fékk því smá undirbúning að vera gamlinginn. Maður er nú enn þá ferskur og ég er í mjög góðu formi og líður mjög vel," segir Logi. Íslenska landsliðið spilaði tíu leiki á fjórum vikum í haust og ferðaðist grimmt fram og aftur um Evrópu. Logi viðurkennir að það hafi tekið á. „Það tók mikið úr manni öll þessi ferðalög en þess vegna er kannski mikilvægt fyrir mig að fá gott jólafrí. Ég er búin að vera á fullu á stífum æfingum síðan í júní því við æfðum mjög mikið fyrir þessa Evrópukeppni. Það er engin pása búin að vera þannig að ég þigg þetta frí," segir Logi. Annað kvöld munu leiða saman hesta sína lið UMFN og úrvalslið Njarðvíkinga í Ljónagryfjunni í Njarðvík. Leikurinn hefst klukkan 20.00 og mun allur ágóði af leiknum renna til Líknarsjóðs Njarðvíkurkirkna. Úrvalslið Njarðvíkinga sem mætir til leiks er ekki af verri endanum. Leikmenn og þjálfarar liðsins hafa unnið 51 Íslandsmeistaratitil fyrir UMFN auk margra annarra titla. Þarna er á ferð blanda af leikmönnum sem eru uppaldir í UMFN en leika annars staðar á Íslandi eða erlendis, og nokkrum af skærustu stjörnum félagsins frá fyrri tíð. Logi verður þar í stóru hlutverki.Býst við fullri Ljónagryfju „Maður á nú góðar og frábærar minningar með þessum kempum sem maður vann marga titla með áður en maður fór í atvinnumennskuna. Það er gaman að fá að hitta aftur Frikka, Teit, Brenton, Pál og þessa stráka sem maður var að spila með hérna heima. Talandi ekki um að fá að spila með Ísak Tómassyni, sem er goðsögn og leikstjórnandi Njarðvíkurliðsins í gamla daga. Maður verður mataður af honum og Frikka Rag," segir Logi í léttum tón og hann finnur fyrir miklum áhuga í bænum. „Ég held að það verði fullt hús. Það eru allir rosalega spenntir fyrir þessu og þetta er líka fyrir gott málefni. Mæta í húsið, styrkja og horfa á gömlu karlana spila með okkur sem erum enn þá að spila. Þetta verður skemmtileg blanda," segir Logi, sem fær að halda sér við á æfingum með Njarðvíkurliðinu. „Ég er búinn að æfa með Njarðvíkingunum síðan ég kom heim. Þar var Frikki Ragnars mættur og Palli Kristins þannig að við erum búnir að taka smá æfingu fyrir leikinn. Menn ætla að vera tilbúnir í þennan leik því það er ekkert annað en sigur sem kemur til greina hjá okkar liði," segir Logi. Logi hefur spilað í atvinnumennsku í meira en áratug og segist ekkert vera á leiðinni heim. „Mér líður vel, ég held að ég sé enn þá að bæta mig og ég er í einu besta formi sem ég hef verið í. Ég sé fram á það ef ég fæ það sem ég vil varðandi tilboð frá góðum stöðum þá held ég að ég eigi eftir mörg ár í atvinnumennsku," segir Logi. Það er því ólíklegt að menn sjái hann spila aftur í bráð í Ljónagryfjunni eftir leikinn í kvöld. „Það verður kannski eitthvað í það en það eru forréttindi að fá að mæta á föstudaginn og spila með og á móti öllum þessum snillingum," sagði Logi.
Dominos-deild karla Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn Drónabannið í Danmörku skapar vandamál fyrir fótboltafélögin Fótbolti FIFA: Donald Trump ræður engu um það Fótbolti Utan vallar: Er FH að endurtaka stærstu mistök í sögu félagsins? Íslenski boltinn Töpuðu fyrir Íslandi en ekki í Meistaradeildinni Fótbolti Pirraður yfir marki undir vegg: „Hann leggst bara í einhverja fósturstellingu“ Enski boltinn „Vorum eiginlega búnar að reka hana í hálfleik“ Körfubolti Fleiri fréttir Fannst Þórsarar og Lárus þurfa frí frá hvor öðrum Benedikt gefur Stjörnunni ráð: Alls ekki hringja í eldri bróðurinn „Vorum eiginlega búnar að reka hana í hálfleik“ Uppgjörið: Keflavík - Valur 79-88 |Frábær endurkomusigur hjá Val Beeman gekk frá fyrrum félögum Stólarnir sóttu sigur til Slóvakíu í fyrsta leik Verður sá síðasti í sögunni til að spila í treyju númer sex Jón vísar ummælum Rögnvaldar til föðurhúsanna Kemur dómaranefnd til varnar og hnýtir í Jón og tvíburana Craig Pedersen heldur áfram með íslenska landsliðið Grindvíkingar horfa áfram út fyrir landsteinana KR vann nýliðaslaginn Meistararnir byrja á góðum sigri Uppgjörið: Stjarnan - Njarðvík 64-81 | Reynslan skilaði gestunum sigri „Væri eiginlega kjánalegt að segjast ekki ætla að gera betur“ Ragnar frá Þorlákshöfn í Grindavík „Eina leiðin að segja já og amen við dómaranefndina“ Al Horford til Golden State Uppgjörið: Stjarnan - Valur 90-89 | Stjarnan náði að halda út og er meistari meistaranna Uppgjörið: Haukar - Njarðvík 83-86 | Njarðvík meistari meistaranna eftir kaflaskiptan leik Tindastóli og Njarðvík spáð toppnum í vetur Svona var kynningarfundurinn fyrir Bónus-deildirnar í vetur Yfirlýsing KKÍ: Hvorki vilja né geta tjáð sig um mál Davíðs Helenu nóg boðið: „Ætlum við í alvöru að leyfa þessu að gerast?“ Formaður dómaranefndar KKÍ tjáir sig ekki Um þögnina varðandi dómaramál KKÍ: „Þurfum að komast til botns í þessu“ Áfall fyrir Houston Forráðamenn KKÍ neita að tjá sig um dómaramálin Fannst skilaboðin frá dómaranefnd galin Mynd af ellefu ára leikmanni Real vekur athygli Sjá meira