Bjarni í fyrsta sætið - Vilhjálmur líklega á leið á þing

„Hvað varðar kjör mitt, þá má segja að það séu óvanalegir timar uppi. Það er óhefðbundið að það sé boðið gegn sitjandi þingmanni," sagði Bjarni Benediktsson í viðtali við RÚV þegar fyrstu tölur úr prófkjöri Sjálfstæðisflokksins í Suðvesturkjördæmi voru lesnar upp.

Þar kom fram að Bjarni hefði hlotið flest atkvæði í fyrsta sætið, eða 705 atkvæði af 1198 atkvæðum. Ragnar Önundarson bauð sig gegn Bjarna í fyrsta sætið, en hann er ekki á meðal sjö efstu í prófkjörinu.

Tíðindi prófkjörsins eru líklega þau að Vilhjálmur Bjarnason lektor lenti í fjórða sætinu sem er þingsæti. Elín Hirst kemur einnig ný inn í 5. sætið en samkvæmt nýjustu skoðanakönnunum er það einnig þingsæti.

Þá er Óli Björn Kárason í 6. sæti.