Enn beðið eftir tölum Samfylkingarinnar

Enn er beðið eftir tölum úr prófkjöri Samfylkingarinnar í Suðvesturkjördæmi en til stóð að kynna þær klukkan sjö. Það gekk ekki eftir. Kosningin var rafræn en einnig var greitt atkvæði með gamla laginu, það er að segja að skrifa sín x niður á blað.

Ekki náðist í formann kjörstjórnar Samfylkingarinnar í Suðvesturkjördæmi. Það er þó óhætt að segja að spennan sé mikil, því þau Árni Páll Árnason og Katrín Júlíusdóttir, ráðherra, takast á um að leiða listann í þessu fjölmennasta kjördæmi landsins.

Tæplega tvö þúsund manns hafa greitt atkvæði í prófkjörinu.