Innlent

Árni Páll í fyrsta sæti

Árni Páll Árnason varð í fyrsta sæti i prófkjöri Samfylkingarinnar í Kraganum. Hann var með 1041 atkvæði í fyrsta sætið. Katrín Júlíusdóttir varð í öðru sæti. Nokkur töf varð á því að úrslit prófkjörsins yrðu birt. Það er vegna þess að kjörstjórn þurfti að úrskurða um atkvæði greidd á pappír á kjörstöðum í dag.

Á kjörskrá voru 5.693 flokksfélagar og stuðningsmenn Samfylkingarinnar. 2.129 greiddu atkvæði sem er 37% kjörsókn. 22 atkvæði voru ógild, 9 atkvæði voru auð. 2098 atkvæði voru því gild.

Niðurstaða flokksvals

1. Árni Páll Árnason 1041 atkvæði í 1. sæti

2. Katrín Júlíusdóttir 1364 atkvæði í 1.-2. sæti

3. Magnús Orri Schram 1250 atkvæði í 1.-3.sæti

4. Margrét Gauja Magnúsdóttir 889 atkvæði í 1.-5. sæti

5. Lúðvík Geirsson 1105 atkvæði í 1.-4.sæti

Paralistaaðferð var beitt til að tryggja jafnt hlutfall kynja samkvæmt reglum flokksvalsins. Margrét Gauja var færð upp um eitt sæti og Lúðvík niður um eitt sæti. Kosning er bindandi í 5 efstu sætin, eins og fram kemur á vef Samfylkingarinnar.

Mest lesið


Fleiri fréttir

Sjá meira


×

Mest lesið