Yfir 2400 hafa kosið í Reykjavík

Rúmlega 2400 manns höfðu kosið í prófkjöri Samfylkingarinnar í Reykjavík núna klukkan hálfsex. Í Suðurkjördæmi höfðu um 1500 kosið. Tveir etja kappi um 1. sætið í Suðurkjördæmi, en það eru þau Oddný Harðardóttir og Björgvin G. Sigurðsson.

Hjá Samfylkingunni sækist Össur Skarphéðinsson utanríkisráðherra eftir fyrsta sætinu, Sigríður Ingibjörg Ingadóttir, Helgi Hjörvar, Valgerður Bjarnadóttir og Skúli Helgason hafa líka sóst eftir því að leiða annaðhvort Reykjavíkurkjördæmið.