Gunnar Nelson: Ljónsbaninn reyndist vel Eiríkur Stefán Ásgeirsson skrifar 1. október 2012 06:30 Gunnar Nelson lætur hér höggin dynja á LaMarques Johnson sem reynir að verja höfuð sitt. Gunnar kláraði bardagann síðan á hengingarbragði. Nordic Photos / Getty Images Gunnar Nelson á glæsilegan feril í vændum í UFC-bardagasamtökunum ef marka má frammistöðu hans í Nottingham á Englandi um helgina. Þar atti hann kappi við DaMarques Johnson frá Bandaríkjunum í sínum fyrsta UFC-bardaga og vann Gunnar yfirburðasigur. Það tók hann ekki nema þrjár mínútur og 34 sekúndur að ganga frá Johnson strax í fyrstu lotu. Gunnar hefur reyndar ekki þurft að fara í meira en eina lotu í MMA-bardaga síðan 2008 en hann státar nú af tíu sigrum og einu jafntefli í ellefu viðureignum á ferlinum. „Þetta gekk bara eins og í sögu," sagði Gunnar við Fréttablaðið í gær en hann var þá að taka því rólega á hótelherbergi sínu. „Mér líður bara vel og er sáttur við bardagann," bætti hann við af sinni alkunnu yfirveguðu rósemi.Náði snemma yfirburðastöðu Gunnar segir að hann hafi ekki farið í bardagann með ákveðna leikáætlun í huga, frekar en áður. „Ég spila þetta frekar eftir eyranu og reyni að fá tilfinningu fyrir því hvernig hann hreyfir sig," segir Gunnar. „Hann var nokkuð öflugur og hreyfði sig vel. En ég náði yfirburðastöðu snemma og kláraði bardagann." Eftir nokkrar sekúndur náði Gunnar að senda háspark í andlit Johnsons en slíka takta hefur Gunnar ekki sýnt oft áður í keppni, enda fyrst og fremst öflugur glímukappi. „Hann bjóst kannski ekki við þessu en ég hef gert þokkalega mikið af þessu á æfingum og þekki þetta vel úr karate. Ég hef gert mikið af því að sparka í gegnum tíðina og það var gaman að geta laumað inn svona skemmtilegum hlutum."Komst undir hökuna Gunnar var svo búinn að skella Johnson í gólfið áður en fyrsta mínútan var liðin. „Þá grunaði mig að ég myndi ná að draga úr honum orkuna, hægt og rólega. Svo lyftist hakan á honum og ég komst undir hana," segir hann en Johnson gafst upp eftir að Gunnar náði hengingartaki, svokölluðu „rear naked choke". „Þetta bragð er þekkt í jiu jitsu sem Mata Leão á portúgölsku – ljónsbaninn," bætir Gunnar við. Gunnar segir að umgjörðin í kringum UFC-bardaga sé mun meiri en hann hefur kynnst hingað til. „Þetta er stærsta sýning í heimi í þessum heimi. Það er miklu meira af viðtölum og á bardaganum sjálfum er æsingurinn og lætin í kringum mann miklu meiri enda fullt af fólki í höllinni," segir hann. „Þá eru menn settir í þvagprufur bæði fyrir og eftir bardagann ogséð til þess að menn komist ekki upp með neitt misjafnt. Ég er reyndar mjög hlynntur því," segir hann.Á engan sérstakan óskamótherja Gunnar veit ekki hvað tekur við eða hvenær næsti bardagi verður. „Það gæti verið í lok þessa árs eða upphafi þess næsta. Ég á mér svo sem engan sérstakan óskamótherja fyrir næsta bardaga – bara einhvern skemmtilegan," sagði hann í léttum dúr. Það kæmi þó Gunnari ekki á óvart ef hann myndi berjast í Bandaríkjunum næst og að hann fengi svokallaðan „main card"-bardaga. „Ég gæti vel trúað því og væri það mjög skemmtilegt. En ég læt þetta bara ráðast," sagði hinn rólegi Gunnar Nelson að lokum. Íþróttir Mest lesið „Stórkostlegur dagur og stórkostlegt kvöld“ Handbolti Hefur ekki gerst hjá enska landsliðinu í 33 ár Fótbolti Skrautlegar aðstæður hjá Valsstelpunum á Ítalíu Fótbolti Auðveldara hjá Arsenal og Tottenham í Meistaradeildinni Fótbolti Romano segir Real Betis hafa dregið samþykkt tilboð í Antony til baka Enski boltinn Tommi Steindórs fór á kostum í framburðarprófi Enski boltinn Fylkismenn með þriðja sigur sinn í röð Íslenski boltinn „Sérfræðingurinn má hringja í mig og koma með þetta plan B“ Körfubolti Uppgjörið: FH - Veszprém 22-32 | Takk Aron Handbolti Ómar Ingi skoraði úr ellefu fyrstu skotunum og endaði með fimmtán mörk Handbolti Fleiri fréttir Skrautlegar aðstæður hjá Valsstelpunum á Ítalíu Auðveldara hjá Arsenal og Tottenham í Meistaradeildinni Hefur ekki gerst hjá enska landsliðinu í 33 ár Romano segir Real Betis hafa dregið samþykkt tilboð í Antony til baka Tommi Steindórs fór á kostum í framburðarprófi Fylkismenn með þriðja sigur sinn í röð „Stórkostlegur dagur og stórkostlegt kvöld“ Fyrsta tapið hjá Willum og félögum kom í Leicester Modric lagði upp í fyrsta sigri AC Milan Markkanen skoraði 43 stig á 23 mínútum á EM í kvöld Þróttur á toppinn eftir endurkomusigur en Njarðvík vann líka Ómar Ingi skoraði úr ellefu fyrstu skotunum og endaði með fimmtán mörk Brynjólfur með tvö í kvöld og er orðinn markahæstur í hollensku deildinni Haukur Þrastar byrjar mjög vel með Ljónunum Uppgjörið: FH - Veszprém 22-32 | Takk Aron Tottenham borgar 8,6 milljarða fyrir Xavi Simons Tveir nýliðar en ekkert pláss fyrir Trent og Grealish EM í dag: Rússablokkin, lélegt samstarf og pjúrismi með Herði Unnsteins „Ég er alltaf í slagsmálum“ Sjáðu markaveislurnar í Kaplakrika og á Sauðarkróki „Sérfræðingurinn má hringja í mig og koma með þetta plan B“ „Stundum hata ég leikmenn mína“ Aron spilar síðasta leikinn: „Held að ég sé ekki búinn að gleyma öllu“ „Negldi Tryggva með hnénu, hoppaði á hann og fór í höndina“ Framtíð Maríu hjá Marseille í óvissu eftir uppþotið í æfingaleik Hákon mætir Frey, Sævari og Eggerti í Evrópudeildinni Risaskipti í NFL: Launahæstur í sögunni fyrir utan leikstjórnendur Sjáðu Breiðablik tryggja sér sæti í Sambandsdeildinni Sandra María fer aftur út í atvinnumennsku Blikar mæta Loga, Shakhtar og Shamrock Sjá meira
Gunnar Nelson á glæsilegan feril í vændum í UFC-bardagasamtökunum ef marka má frammistöðu hans í Nottingham á Englandi um helgina. Þar atti hann kappi við DaMarques Johnson frá Bandaríkjunum í sínum fyrsta UFC-bardaga og vann Gunnar yfirburðasigur. Það tók hann ekki nema þrjár mínútur og 34 sekúndur að ganga frá Johnson strax í fyrstu lotu. Gunnar hefur reyndar ekki þurft að fara í meira en eina lotu í MMA-bardaga síðan 2008 en hann státar nú af tíu sigrum og einu jafntefli í ellefu viðureignum á ferlinum. „Þetta gekk bara eins og í sögu," sagði Gunnar við Fréttablaðið í gær en hann var þá að taka því rólega á hótelherbergi sínu. „Mér líður bara vel og er sáttur við bardagann," bætti hann við af sinni alkunnu yfirveguðu rósemi.Náði snemma yfirburðastöðu Gunnar segir að hann hafi ekki farið í bardagann með ákveðna leikáætlun í huga, frekar en áður. „Ég spila þetta frekar eftir eyranu og reyni að fá tilfinningu fyrir því hvernig hann hreyfir sig," segir Gunnar. „Hann var nokkuð öflugur og hreyfði sig vel. En ég náði yfirburðastöðu snemma og kláraði bardagann." Eftir nokkrar sekúndur náði Gunnar að senda háspark í andlit Johnsons en slíka takta hefur Gunnar ekki sýnt oft áður í keppni, enda fyrst og fremst öflugur glímukappi. „Hann bjóst kannski ekki við þessu en ég hef gert þokkalega mikið af þessu á æfingum og þekki þetta vel úr karate. Ég hef gert mikið af því að sparka í gegnum tíðina og það var gaman að geta laumað inn svona skemmtilegum hlutum."Komst undir hökuna Gunnar var svo búinn að skella Johnson í gólfið áður en fyrsta mínútan var liðin. „Þá grunaði mig að ég myndi ná að draga úr honum orkuna, hægt og rólega. Svo lyftist hakan á honum og ég komst undir hana," segir hann en Johnson gafst upp eftir að Gunnar náði hengingartaki, svokölluðu „rear naked choke". „Þetta bragð er þekkt í jiu jitsu sem Mata Leão á portúgölsku – ljónsbaninn," bætir Gunnar við. Gunnar segir að umgjörðin í kringum UFC-bardaga sé mun meiri en hann hefur kynnst hingað til. „Þetta er stærsta sýning í heimi í þessum heimi. Það er miklu meira af viðtölum og á bardaganum sjálfum er æsingurinn og lætin í kringum mann miklu meiri enda fullt af fólki í höllinni," segir hann. „Þá eru menn settir í þvagprufur bæði fyrir og eftir bardagann ogséð til þess að menn komist ekki upp með neitt misjafnt. Ég er reyndar mjög hlynntur því," segir hann.Á engan sérstakan óskamótherja Gunnar veit ekki hvað tekur við eða hvenær næsti bardagi verður. „Það gæti verið í lok þessa árs eða upphafi þess næsta. Ég á mér svo sem engan sérstakan óskamótherja fyrir næsta bardaga – bara einhvern skemmtilegan," sagði hann í léttum dúr. Það kæmi þó Gunnari ekki á óvart ef hann myndi berjast í Bandaríkjunum næst og að hann fengi svokallaðan „main card"-bardaga. „Ég gæti vel trúað því og væri það mjög skemmtilegt. En ég læt þetta bara ráðast," sagði hinn rólegi Gunnar Nelson að lokum.
Íþróttir Mest lesið „Stórkostlegur dagur og stórkostlegt kvöld“ Handbolti Hefur ekki gerst hjá enska landsliðinu í 33 ár Fótbolti Skrautlegar aðstæður hjá Valsstelpunum á Ítalíu Fótbolti Auðveldara hjá Arsenal og Tottenham í Meistaradeildinni Fótbolti Romano segir Real Betis hafa dregið samþykkt tilboð í Antony til baka Enski boltinn Tommi Steindórs fór á kostum í framburðarprófi Enski boltinn Fylkismenn með þriðja sigur sinn í röð Íslenski boltinn „Sérfræðingurinn má hringja í mig og koma með þetta plan B“ Körfubolti Uppgjörið: FH - Veszprém 22-32 | Takk Aron Handbolti Ómar Ingi skoraði úr ellefu fyrstu skotunum og endaði með fimmtán mörk Handbolti Fleiri fréttir Skrautlegar aðstæður hjá Valsstelpunum á Ítalíu Auðveldara hjá Arsenal og Tottenham í Meistaradeildinni Hefur ekki gerst hjá enska landsliðinu í 33 ár Romano segir Real Betis hafa dregið samþykkt tilboð í Antony til baka Tommi Steindórs fór á kostum í framburðarprófi Fylkismenn með þriðja sigur sinn í röð „Stórkostlegur dagur og stórkostlegt kvöld“ Fyrsta tapið hjá Willum og félögum kom í Leicester Modric lagði upp í fyrsta sigri AC Milan Markkanen skoraði 43 stig á 23 mínútum á EM í kvöld Þróttur á toppinn eftir endurkomusigur en Njarðvík vann líka Ómar Ingi skoraði úr ellefu fyrstu skotunum og endaði með fimmtán mörk Brynjólfur með tvö í kvöld og er orðinn markahæstur í hollensku deildinni Haukur Þrastar byrjar mjög vel með Ljónunum Uppgjörið: FH - Veszprém 22-32 | Takk Aron Tottenham borgar 8,6 milljarða fyrir Xavi Simons Tveir nýliðar en ekkert pláss fyrir Trent og Grealish EM í dag: Rússablokkin, lélegt samstarf og pjúrismi með Herði Unnsteins „Ég er alltaf í slagsmálum“ Sjáðu markaveislurnar í Kaplakrika og á Sauðarkróki „Sérfræðingurinn má hringja í mig og koma með þetta plan B“ „Stundum hata ég leikmenn mína“ Aron spilar síðasta leikinn: „Held að ég sé ekki búinn að gleyma öllu“ „Negldi Tryggva með hnénu, hoppaði á hann og fór í höndina“ Framtíð Maríu hjá Marseille í óvissu eftir uppþotið í æfingaleik Hákon mætir Frey, Sævari og Eggerti í Evrópudeildinni Risaskipti í NFL: Launahæstur í sögunni fyrir utan leikstjórnendur Sjáðu Breiðablik tryggja sér sæti í Sambandsdeildinni Sandra María fer aftur út í atvinnumennsku Blikar mæta Loga, Shakhtar og Shamrock Sjá meira