Meistaralegur mánuður að hefjast BBI skrifar 20. september 2012 14:15 Á myndinni lyfta Þorsteinn, Magnús Berg og félagi þeirra Jökull Sólberg þungum steinum fáklæddir í sólskini. Hinn svokallaði Meistaramánuður hefst 1. október næstkomandi eða eftir 10 daga. Þá munu þúsundir manna sameinast um að skora á sjálfa sig, kýla á hlutina sem þá dreymir um og verða í stuttu máli betra eintak af sjálfum sér í heilan mánuð. Meistaramánuðurinn hefur verið árviss viðburður síðustu fjögur ár og í fyrra tóku um fimm þúsund manns þátt í átakinu. Upphafsmenn Meistaramánaðarins leggja til að fólk einbeiti sér t.d. að því að vakna fyrr, neyta ekki áfengis, hreyfa sig vel og njóta lífsins betur en aðra daga.Meistarar eru sín eigin fyrirmynd „Meistaramánuðurinn er í hnotskurn einn mánuður þar sem hver og einn skorar sig á hólm og verður sín eigin fyrirmynd. Þátttakendur skrifa niður markmið og einbeita sér svo í heilan mánuð að því að ná þeim," segir Þorsteinn Kári Jónsson, sem skapaði fyrirbærið Meistaramánuð ásamt félaga sínum. Þannig brjóta meistararnir upp hina dæmigerðu rútínu í lífi sínu.Magnús Berg eftir að hafa synt Guðlaugssundið sem þeir félagar synda árlega í sundlaug.Líf ungs fólks, einkum háskólanema, snýst mjög gjarna að miklu leyti um áfengisneyslu. „Það er svona þessi dæmigerða rútína. Detta í það hverja helgi og snúa sólarhringnum á hvolf," segir Þorsteinn. Meistaramánuðurinn var upphaflega hugsaður sem mótleikur við því líferni. „Við vorum orðnir langþreyttir á þessu og ákváðum að snúa úr vörn í sókn," segir Þorsteinn.Allir geta verið meistarar Þrátt fyrir að Meistaramánuðurinn hafi upphaflega verið hugsaður fyrir djammþreytta háskólanema hentar hugmyndin fólki á öllum aldri, jafnt konum og körlum. „Margir hafa góð tök á heilsu sinni og matarræði en vilja taka andlega sviðið fastari tökum," segir Þorsteinn. Því geta markmið fólks verið mismunandi í mánuðnum, allt frá því að lesa skáldsögur á kvöldin yfir í að æfa sig daglega á gítar eða heimsækja ömmu sína. „Menn verða að átta sig á sínum eigin þrám og sníða mánuðinn að þeim" segir Þorsteinn, en fyrsti Meistaramánuðurinn hófst árið 2008 úti í Kaupmannahöfn þegar sem Þorsteinn og félagi hans Magnús Berg Magnússon sögðu stanslausu djammi og fylleríi háskólaáranna stríð á hendur. Uppátækið vakti fljótt athygli vina þeirra og vatt smám saman upp á sig.„Maðurinn einn er ei nema hálfur, með öðrum er hann meiri en hann sjálfur,“ sagði skáldið Einar Benediktsson í kvæðinu Fákar. Þarna kristallast kannski fegurðin í Meistaramánuðinum.Meistarar standa saman „Það sem skiptir einna mestu máli er að fólk sé saman í þessu. Það er erfitt að taka lífsstílsbreytingu upp á eigin spýtur en ef maður gerir það með vinum sínum gengur allt betur upp," segir hann. Þannig kristallast samtakamáttur fólks í Meistaramánuðnum. Fólk hvetur hvert annað til dáða og stefnir saman í átt til framfara. „Svo er líka miklu erfiðara að svindla því fólk fer að treysta á hvert annað. Ef þú ert bara einn í baráttunni áttu það til að fresta henni í sífellu.," segir Þorsteinn.Meistarar erlendis Meistaramánuðurinn hefst nú í október og fer að miklu leyti fram á internetinu. Í þetta sinn verða allar færslur bæði á íslensku og ensku því uppátækið hefur vakið talsverða athygli erlendis. Þannig verða það ekki bara Íslendingar sem gerast meistarar síns eigin lífs þetta árið heldur munu félagar strákanna halda kyndlinum á lofti í örðum löndum.Hér má sjá facebook síðu Meistaramánaðarins og hér er heimasíða Meistaramánaðarins. Þar má nálgast nánari upplýsingar. Meistaramánuður Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Lögreglan vill ná tali af þremur mönnum Innlent Stefnir Hödd vegna ásökunar um nauðgun Innlent Vinstribeygja inn á Bústaðaveg gæti heyrt sögunni til Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Fleiri fréttir Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Sjá meira
Hinn svokallaði Meistaramánuður hefst 1. október næstkomandi eða eftir 10 daga. Þá munu þúsundir manna sameinast um að skora á sjálfa sig, kýla á hlutina sem þá dreymir um og verða í stuttu máli betra eintak af sjálfum sér í heilan mánuð. Meistaramánuðurinn hefur verið árviss viðburður síðustu fjögur ár og í fyrra tóku um fimm þúsund manns þátt í átakinu. Upphafsmenn Meistaramánaðarins leggja til að fólk einbeiti sér t.d. að því að vakna fyrr, neyta ekki áfengis, hreyfa sig vel og njóta lífsins betur en aðra daga.Meistarar eru sín eigin fyrirmynd „Meistaramánuðurinn er í hnotskurn einn mánuður þar sem hver og einn skorar sig á hólm og verður sín eigin fyrirmynd. Þátttakendur skrifa niður markmið og einbeita sér svo í heilan mánuð að því að ná þeim," segir Þorsteinn Kári Jónsson, sem skapaði fyrirbærið Meistaramánuð ásamt félaga sínum. Þannig brjóta meistararnir upp hina dæmigerðu rútínu í lífi sínu.Magnús Berg eftir að hafa synt Guðlaugssundið sem þeir félagar synda árlega í sundlaug.Líf ungs fólks, einkum háskólanema, snýst mjög gjarna að miklu leyti um áfengisneyslu. „Það er svona þessi dæmigerða rútína. Detta í það hverja helgi og snúa sólarhringnum á hvolf," segir Þorsteinn. Meistaramánuðurinn var upphaflega hugsaður sem mótleikur við því líferni. „Við vorum orðnir langþreyttir á þessu og ákváðum að snúa úr vörn í sókn," segir Þorsteinn.Allir geta verið meistarar Þrátt fyrir að Meistaramánuðurinn hafi upphaflega verið hugsaður fyrir djammþreytta háskólanema hentar hugmyndin fólki á öllum aldri, jafnt konum og körlum. „Margir hafa góð tök á heilsu sinni og matarræði en vilja taka andlega sviðið fastari tökum," segir Þorsteinn. Því geta markmið fólks verið mismunandi í mánuðnum, allt frá því að lesa skáldsögur á kvöldin yfir í að æfa sig daglega á gítar eða heimsækja ömmu sína. „Menn verða að átta sig á sínum eigin þrám og sníða mánuðinn að þeim" segir Þorsteinn, en fyrsti Meistaramánuðurinn hófst árið 2008 úti í Kaupmannahöfn þegar sem Þorsteinn og félagi hans Magnús Berg Magnússon sögðu stanslausu djammi og fylleríi háskólaáranna stríð á hendur. Uppátækið vakti fljótt athygli vina þeirra og vatt smám saman upp á sig.„Maðurinn einn er ei nema hálfur, með öðrum er hann meiri en hann sjálfur,“ sagði skáldið Einar Benediktsson í kvæðinu Fákar. Þarna kristallast kannski fegurðin í Meistaramánuðinum.Meistarar standa saman „Það sem skiptir einna mestu máli er að fólk sé saman í þessu. Það er erfitt að taka lífsstílsbreytingu upp á eigin spýtur en ef maður gerir það með vinum sínum gengur allt betur upp," segir hann. Þannig kristallast samtakamáttur fólks í Meistaramánuðnum. Fólk hvetur hvert annað til dáða og stefnir saman í átt til framfara. „Svo er líka miklu erfiðara að svindla því fólk fer að treysta á hvert annað. Ef þú ert bara einn í baráttunni áttu það til að fresta henni í sífellu.," segir Þorsteinn.Meistarar erlendis Meistaramánuðurinn hefst nú í október og fer að miklu leyti fram á internetinu. Í þetta sinn verða allar færslur bæði á íslensku og ensku því uppátækið hefur vakið talsverða athygli erlendis. Þannig verða það ekki bara Íslendingar sem gerast meistarar síns eigin lífs þetta árið heldur munu félagar strákanna halda kyndlinum á lofti í örðum löndum.Hér má sjá facebook síðu Meistaramánaðarins og hér er heimasíða Meistaramánaðarins. Þar má nálgast nánari upplýsingar.
Meistaramánuður Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Lögreglan vill ná tali af þremur mönnum Innlent Stefnir Hödd vegna ásökunar um nauðgun Innlent Vinstribeygja inn á Bústaðaveg gæti heyrt sögunni til Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Fleiri fréttir Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Sjá meira