Bæjarstjórn Fljótsdalshéraðs skorar á Íbúðalánasjóð að auglýsa eignir sjóðsins á Fljótsdalshéraði til leigu. Þetta var samþykkt á fundi bæjarstjórnar í vikunni.
Bæjarstjórn telur að útleigan myndi hafa jákvæð áhrif á uppbyggingu á svæðinu til lengri tíma litið og auk þess skapa tekjur sem létta undir með rekstri eigna sjóðsins.
Bæjarstjórn telur að nokkur eftirspurn sé eftir leiguhúsnæði á Fljótsdalshéraði og vonast því til þess að Íbúðalánasjóður verði við áskoruninni.
Frá þessu er greint á vef Fljótsdalshéraðs.
Íbúðalánasjóður leigi út eignir sínar
