Fimmti sigur Valsmanna á KR-velli á sex árum - myndir

Valsmenn kunna einstaklega vel við sig á KR-vellinum og það breyttist ekki í kvöld þegar þeir unnu 3-2 sigur á Íslands- og bikarmeisturnum. Kristinn Freyr Sigurðsson skoraði sigurmarkið eftir að KR-ingar höfðu unnið upp tveggja marka forystu nágranna sinna af Hlíðarenda.

Valsmenn hafa ekki tapað deildarleik á KR-velli í sjö ár og unnu í kvöld sinn fimmta sigur í Vesturbænum á síðustu sex árum. Valsmenn hafa skorað fimmtán mörk í þessum sex leikjum.

Stefán Karlsson, ljósmyndari Fréttablaðsins og Vísis, var á leik KR og Vals á KR-vellinum í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.