Garðar biðst afsökunar

„Ég biðst afsökunar á að hafa klúðrað vítinu og eyðilagt fyrir strákunum. Það hefði að minnsta kosti verið framlenging ef ég hefði nýtt það," sagði niðurbrotinn Garðar Jóhannsson framherji Stjörnunnar eftir tapið gegn KR í úrslitum bikarkeppninnar.

„Við gerum okkur seka um tvö mistök í fyrri hálfleik. Ég klúðraði víti og við fengum á okkur skítamark. Staðan jöfn í hálfleik í staðinn fyrir að hafa getað verið 2-0. Þetta er bara svona og við þurfum að læra af þessu. Það kemur vonandi leikur eftir þennan leik og við tökum bara bikarinn á næsta ári.

„Mér fannst þetta ekkert erfiðara en hver annar leikur. Þetta var kannski eins og hjá Þór í fyrra. Þetta er mjög súrt," sagði Garðar að lokum.