Felix Sanchez varð í kvöld Ólympíumeistari í 400 metra grindahlaupi karla. Sanchez sem kemur frá Dóminíska lýðveldinu, vann einnig gullverðlaun á Ólympíuleikunum í Aþenu fyrir átta árum.
Sanchez hafði ekki unnið til gullverðlauna á stórmóti síðan í Aþenu 2004 og sigur hans því nokkuð óvæntur.
Yfirburðir Sanchez voru nokkuð miklir í hlaupinu en hann kom í mark á 47,63 sekúndum og var á undan Bandaríkjamanninum Michael Tinsley sem tók silfurverðlaun og Javier Culson, frá Púerto Ríkó sem náði bronsverðlaunum í kvöld.
Athygli vekur að tími Sanchez er nákvæmlega sá sami og hann náði á Ólympíuleikunum í Aþenu árið 2004, þegar hann vann einnig til gullverðlauna. Tíminn sem Sanchez náði í hlaupinu í kvöld var sá besti sem náðst hefur á árinu í greininni.
Vann Ólympíugull á nákvæmlega sama tíma og árið 2004
Stefán Hirst Friðriksson skrifar

Mest lesið




„Ég held það vilji enginn upplifa svona aftur“
Íslenski boltinn

Hispurslaus Amorim mun reynast Man United vel
Enski boltinn




