Búið að færa leiki KR og Stjörnunnar í 16. umferð

Mótanefnd Knattspyrnusamband Íslands hefur fært tvo leiki í 16. umferð Pepsi-deildar karla vegna úrslitaleiksins í Borgunarbikar karla sem fer fram á Laugardalsvellinum 18. ágúst næstkomandi.

Bikarúrslitaliðin hefðu annars aðeins fengið einn dag til að jafna sig eftir bikarúrslitaleikinn því heil umferð fer fram á mánudaginn á eftir

Annar þessara leikja er stórleikur FH og KR á Kaplakrikavelli sem er að margra mati einn af úrslitaleikjum mótsins en hinn er leikur ÍA og Stjörnunnar upp á Akranesi. Báðir leikir fara fram klukkan 18.00 en nú er farið að dimma á kvöldin og því hefjast allir leikir fyrr á kvöldin.



Leikirnir sem voru færðir til í Pepsi-deild karla:



FH – KR

Var: Mánudaginn 20. ágúst kl. 18.00 á Kaplakrikavelli

Verður: Fimmtudaginn 23. ágúst kl. 18.00 á Kaplakrikavelli



ÍA - Stjarnan

Var: Mánudaginn 20. ágúst kl. 18.00 á Akranesvelli

Verður: Fimmtudaginn 23. ágúst kl. 18.00 á Akranesvelli