Draumurinn um önnur Ólympíuverðlaun dó á móti Ungverjum - myndir

Íslenska handboltalandsliðið er úr leik á Ólympíuleikunum eftir dramatískt tap í tvíframlengdum leik á móti Ungverjum í átta liða úrslitum keppninnar í morgun. Eftir fimm sigra í röð náðu íslensku strákarnir ekki sínum besta leik á móti Ungverjum sem komu inn í átta liða úrslitin með þrjú töp á bakinu.

Strákarnir fengu tækifæri til að tryggja sér sigurinn í lok venjulegs leiktíma og í lok fyrri framlengingar og áttu einnig síðustu sóknina í leiknum. Boltinn vildi hinsvegar ekki inn og landsliðið kvaddi landsliðsþjálfarann Guðmumnd Guðmundsson og landsliðsfyrirliðanna Ólaf Stefánsson mun fyrr en vonir allra stóðu til.

Valgarður Gíslason, ljósmyndari Vísis og Fréttablaðsins, á staðnum og tók þessar myndir. Myndirnar má sjá í albúminu hér að neðan. Hægt er að sjá myndirnar stærri með því að smella á þær.