Lennon ristarbrotinn | tímabilið á enda hjá framherjanum

„Ég verð líklega frá í tvo mánuði," sagði Steven Lennon í viðtali við Hjört Hjartarson í útvarpsþættinum Boltanum á X-inu 977 í dag. Framherjinn sterki meiddist illa undir lok leiksins gegn FH í gær þar sem að Jón Ragnar Jónsson varnarmaður FH braut klaufalega á Lennon. „Ég verð í gifsi í fjórar vikur," sagði Lennon en hann er ristarbrotinn og fjarvera hans er mikið áfall fyrir Fram sem berst fyrir lífi sínu í Pepsi-deild karla.

Lennon mun að öllum líkindum missa af öllum leikjum Fram það sem eftir er tímabilsins en lokaumferðin fer fram 29. September.