Fullur stuðningur við störf Guðjóns | Gaf ekki kost á viðtölum

Guðjón Þórðarson, þjálfari Grindavíkur, gaf ekki kost á viðtölum við blaðamenn að loknu tapi Grindavíkur gegn FH í 12. umferð Pepsi-deildar karla í Grindavík í kvöld.

Blaðamenn biðu eftir Guðjóni í Grindavík á meðan hann ræddi við leikmenn sína að leiknum loknum. Að því loknu gekk Guðjón úr húsi án þess að ræða við fulltrúa fjölmiðla.

Eiríkur Leifsson, framkvæmdastjóri knattspyrnudeildar Grindavíkur, staðfesti við Vísi að leik loknum í kvöld að Guðjóni nyti fulls stuðnings stjórnarinnar.

„Hann hefur allan okkar stuðning," sagði Eiríkur í samtali við Vísi.