Þór/KA með átta stiga forystu á toppnum

Þór/KA vann í kvöld 2-1 sigur á botnliði KR í Pepsi-deild kvenna og jók þar með forystu sína á toppi deildarinnar í átta stig.

Katrín Ásbjörnsdóttir og Sandra María Jessen komu Akureyringum í 2-0 forystu snemma leiks en Anna Garðarsdóttir náði að minnka muninn fyrir KR á 53. mínútu.

Þetta var fyrsti leikurinn í 11. umferð en Breiðablik og Stjarnan koma næst á eftir Þór/KA með 20 stig. ÍBV er svo með nítján stig og Valur sextán.

KR er enn að bíða eftir fyrsta sigri sínum í deildinni en liðið er með þrjú stig í tíunda og neðsta sæti.