Tómas Joð flýgur heim í síðustu leiki Fylkis

Tómas Joð Þorsteinsson, leikmaður Fylkis, spilar með Fylki út leiktíðina þrátt fyrir að hann haldi í nám til Noregs þann 13. ágúst. Þetta kemur fram á Fylkismenn.is.

Tómas mun fljúga heim í leikina sjö sem eftir verða af leiktíðinni þegar hann flytur til Noregs.

Tómas, sem bæði getur leikið í stöðu vinstri bakvarðar eða kantmanns, á í viðræðum við norska b-deildarliðið Ranheim um að æfa hjá liðinu. Þá stendur honum til boða að æfa með c-deildarliðinu FK Levanger en Rúnar Páll Sigmundsson þjálfar liðið.