Atli Guðnason og Heimir Guðjónsson valdir bestir

Knattspyrnusamband Íslands veitti í dag viðurkenningar fyrir fyrri hluta Pepsi-deildar karla og fór athöfnin fram í húsakynnum Ölgerðarinnar. Þetta kemur fram á heimasíðu KSÍ.

Atli Guðnason úr FH var valinn besti leikmaðurinn og þjálfari hans, Heimir Guðjónsson, var valinn besti þjálfarinn. Dómari umferðanna var Erlendur Eiríksson og stuðningsmenn Stjörnunnar þóttu bestu stuðningsmennirnir.

Það er sérstök valnefnd sem sér um valið og í valnefndinni fyrir Pepsi-deild karla eru þessir: 433.is (1 atkvæði), Fótbolti.net (1 atkvæði), Morgunblaðið (1 atkvæði), Sport.is (1 atkvæði), Hörður Magnússon, íþróttafréttamaður hjá 365, Valtýr Björn Valtýsson, íþróttafréttamaður hjá 365 og Ölgerðin (1 atkvæði).

Úrvalslið 1. til 11. umferðar:

Markvörður:

Hannes Þór Halldórsson - KR

Varnarmenn:

Alexander Scholz – Stjarnan

Guðjón Árni Antoníusson – FH

Guðmann Þórisson – FH

Kristinn Jónsson – Breiðablik

Miðjumenn:

Arnór Ingvi Traustason – Keflavík

Björn Daníel Sverrisson – FH

Rúnar Már S. Sigurjónsson – Valur

Sóknarmenn:

Atli Guðnason – FH

Christian Steen Olsen – ÍBV

Óskar Örn Hauksson - KR