Nýr framkvæmdastjóri Styrktarfélags krabbameinssjúkra barna

Gréta Ingþórsdóttir hefur verið ráðin framkvæmdastjóri Styrktarfélags krabbameinssjúkra barna. Hún mun hefja störf í byrjun næsta mánaðar. „Þetta er frábært félag og málstaðurinn auðvitað mikilvægur og nýtur sem betur fer mikils stuðnings og velvilja i samfélaginu. þannig að þetta er gott félag til að vinna fyrir," segir Gréta.

Gréta hefur um árabil starfað á skrifstofu Sjálfstæðisflokksins í Valhöll og var aðstoðarmaður Geirs Haarde, fyrrverandi forsætisráðherra. Þá starfaði hún við blaðamennsku í ellefu ár.

Óskar Örn Guðbrandsson var áður framkvæmdastjóri Styrktarfélags krabbameinssjúkra barna, en lét af störfum þann 1. júlí síðastliðinn. Formaður félagsins er Rósa Guðbjartsdóttir.