Leit lokið í kvöld

Þyrla Landhelgisgæslunnar hefur lokið leit sinni að þýsku hjónunum í kvöld. Samkvæmt upplýsingum frá lögreglunni á Egilsstöðum verður leit haldið áfram á morgun.

Hjónin ætluðu að ganga yfir Eyjabakkajökul sem er í norðaustanverðum Vatnajökli á laugardaginn. Þau sneru hins vegar við um kvöldið. Skálavörður hafði áhyggjur af hjónunum og lét lögreglu vita.

Ágætis veður hefur verið á svæðinu í kvöld en leitarsvæðið er afar illfært bæði ökutækjum og gangandi.

Björgunarsveitarmenn voru á svæðinu og biðu þess að verða kallaðir til leitar.