Fundu afritunarbúnað á hraðbanka í Reykjavík

Afritunarbúnaður fyrir greiðslukort fannst á hraðbanka í miðborg Reykjavíkur þann 7. júlí síðastliðinn og hefur fjármunabrotadeild lögreglunnar á höfuðborgarsvæðinu verið með málið til rannsóknar. Rannsókn málsins leiddi til þess að á fimmtudag í síðustu viku var erlendur karlmaður um þrítugt handtekinn á Akureyri grunaður um að hafa komið búnaðinum fyrir á hraðbankanum. Ekki er talið að tekist hafi koma afrituðum greiðslukortaupplýsingum í umferð.

Þetta er í annað skiptið á þessu ári sem mál af þessu tagi kemur upp, en fyrsta málið af þessum toga hér á landi kom upp árið 2006. Ekki er vitað til þess að neinn hafi komist upp með afritun greiðslukorta hér á landi án þess að lögreglu hafi tekist að hafa hendur í hári hinna brotlegu. Lögreglan þakkar það góðri samvinnu við banka og greiðslukortafyrirtækja við rannsókn þeirra. Þá hafi lausn þessara mála oftar en ekki byggt á öflugri löggæslu á Keflavíkurflugvelli.