Tryggvi beint inn í byrjunarlið ÍBV

Tryggvi Guðmundsson hoppar beint inn í byrjunarlið ÍBV í kvöld þegar hannn spilar sinn fyrsta leik í sumar. Tryggvi verður í liði ÍBV sem tekur á móti Stjörnunni í fyrsta leik 6. umferðar Pepsi-deildar karla.

Tryggvi hefur ekkert getað spilað með Eyjamönnum í sumar og liðið hefur aðeins náð í 2 af 15 mögulegum stigum án hans. Eyjamenn hafa því virkilega saknað hans í upphafi móts og Magnús Gylfason, þjálfari liðsins, er ekkert að tvínóna við hlutina heldur hendir honum beint inn í byrjunarliðið.

Tryggvi skoraði 10 mörk í 20 leikjum með ÍBV í fyrra og vantar eitt mark til að vera einn markahæstur í efstu deild á Íslandi frá upphafi en Tryggvi hefur skorað 126 mörk í 221. leik.

Gunnar Már Guðmundsson er einnig leikfær en byrjar á bekknum. Ian Jeffs þarf að sætta sig að missa byrjunarliðssætið sitt til Tryggva.