Helena næststigahæst í öruggum sigri

Helena Sverrisdóttir átti góðan leik þegar að lið hennar, Good Angels Kosice frá Slóvakíu, vann sigur á Frisco Brno í lokaumferð riðlakeppni Evrópukeppni kvenna í körfubolta.

Helena skoraði tólf stig í leiknum og tók þar að auki sjö fráköst ásamt því að hún stal boltanum þrívegis. Alls spilaði hún í 20 mínútur og var næststigahæsti leikmaður liðsins.

Good Angels tryggði sér með sigrinum þriðja sæti C-riðils en efstu fimm liðin úr hverjum riðlum komast áfram í útsláttarkeppnina sem í þetta sinn telur fjórtán lið.